Зяленскі сказаў пра планы Расіі стварыць у Беларусі базу для запуску дронаў. У Мінабароны кажуць, што яго не так зразумелі
Украінскія СМІ паведамілі са спасылкай на словы прэзідэнта Украіны Уладзіміра Зяленскага ў інтэрпрэтацыі часопіса Forbes пра нібыта планы Расіі стварыць у Беларусі базы для запуску дальнабойных дронаў, якія маглі б павялічыць пагрозу для Украіны. Але ў Міністэрстве абароны Украіны заяўляюць, што прэзідэнта не так зразумелі, піша «РБК-Украіна».
Пасля слоў Зяленскага ў СМІ з’явіліся заявы, што атакі на Украіну могуць стаць часцейшымі і больш небяспечнымі, бо адлегласць да Кіева з тэрыторыі Беларусі невялікая і гэта ўскладняе працу ўкраінскай СПА. Таксама згадвалася, што гаворка можа ісці пра стварэнне некалькіх пунктаў кіравання дронамі і нават пра размяшчэнне сучасных ракет у Беларусі.
Аднак дарадца міністра абароны Украіны Сяргей «Флэш» Бяскрэстнаў заявіў, што СМІ перакруцілі інфармацыю. Паводле яго слоў, журналісты няправільна перадаюць словы прэзідэнта Украіны.
Ён падкрэсліў, што яму нічога невядома пра будаўніцтва менавіта баз для запуску «Шахедаў» з Беларусі, і назваў такія паведамленні перабольшаннем, якое стварае псіхалагічны ціск на людзей.
Бяскрэстнаў растлумачыў, што Зяленскі гаварыў не пра базы запуску, а пра пункты кіравання дронамі, якія ўжо існавалі і якія Украіна знішчыла. Па яго словах, аўтары артыкулаў памылкова назвалі гэтыя антэны «базамі далёкага дзеяння».
Раней украінскія спецыялісты доўгі час назіралі за дзеяннямі расійскіх аператараў дронаў і сабралі доказы выкарыстання тэрыторыі Беларусі для нападаў. Уладзімір Зяленскі намякаў, што Украіна знішчыла такія пункты кіравання і, магчыма, прадухіліла іх аднаўленне.
Расія збіраецца паставіць у Беларусі чатыры станцыі кіравання дальнабойнымі дронамі
Украіна ліквідавала сетку, якая дапамагала залятаць «Шахедам» з Беларусі
Зяленскі: Я не буду казаць, якім спосабам, але нашыя людзі займаліся тым, каб тры-чатыры рэтранслятары ўжо не працавалі на тэрыторыі Беларусі
Украінскія хакеры высветлілі, як аператары расійскіх дронаў выкарыстоўваюць Беларусь
«Беларусь нельга страчваць для Еўропы, але гэту асобу страціць дакладна варта». Зяленскі патлумачыў, чаму ўвёў санкцыі супраць Лукашэнкі
Цяпер чытаюць
«Вы бачылі шпалеры ад забудоўшчыка? Гэта ж страшны сон». За што крытыкуюць дзяржаўны рамонт у кватэрах для чаргавікоў?1
Каментары
Без паперкі ен і ні тое выдае
Выдал па Орбане " 90 млрд дапамогі Украіне" на паўзе
Супраць Беларусі беларусах у яго увесь " офіс " працуе ....6 год запар з невялікімі перапынкамі)))
Але Міша Падаляк прапісаны то у Латынінай то у іньшых " рускіх" добрых ці не добрых як потым ..аказваецца ))) і шмат іньшых ☆ украіньскага ютуба ))) і у руска гаварашчых смі Ісраіля )))