U Iranie zaklikali studentaŭ i školnikaŭ vychodzić u žyvyja łancuhi vakoł elektrastancyj
Zbor siońnia a 13‑j hadzinie.
Sakratar Viarchoŭnaha savieta moładzi i padletkaŭ Irana Alireza Rachimi zaklikaŭ moładź stvarać «žyvyja łancuhi» dla abarony elektrastancyj na terytoryi krainy paśla pahroz ZŠA, paviedamlaje Sky News.
Rachimi prapanavaŭ pradstaŭnikam moładzi — spartsmienam, mastakam i studentam — sabracca a 14:00 pa miascovym časie (13:00 pa Minsku) vakoł elektrastancyj, jakija «naležać budučyni Irana dy iranskaj moładzi», a taksama «słužać nacyjanalnymi kaštoŭnaściami».
5 krasavika Tramp pahraziŭ razburyć iranskija elektrastancyi i masty, kali Armuzski praliŭ nie budzie adkryty. U toj ža dzień u intervju Fox News kiraŭnik Biełaha doma skazaŭ, što «jość dobryja šancy» zaklučyć pahadnieńnie ź Iranam.
Pavodle jaho słoŭ, kali heta nie ŭdasca, «vy ŭbačycie, jak pa ŭsioj ich krainie buduć rušyć masty i elektrastancyi». «Kali jany nie zaklučać damovu chutka, ja padumaju padarvać usio i zachapić naftu», — papiaredziŭ jon. Dedłajn a treciaj hadzinie ŭ noč na sieradu.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy1
Kamientary