Na staražytnych mohiłkach u centry Hrodna znajšli pareštki maci i dziciaci ŭ adnoj mahile
U centry Hrodna na vulicy Małoj Trajeckaj archieołahi praciahvajuć daśledavać nieviadomyja mohiłki kanca XVI — pačatku XVII stahodździa, vyjaŭlenyja padčas budaŭničych rabot. Siarod bolš čym dvuch dziasiatkaŭ pachavańniaŭ navukoŭcy znajšli pareštki, jakija mohuć naležać maci i dziciaci, pachavanym razam.
Jak raskazała Hrodzienskamu telebačańniu małodšaja navukovaja supracoŭnica adździeła antrapałohii Instytuta historyi NAN Biełarusi Valancina Vińnikava, za tydzień rabot na abjekcie było ŭskryta i vyniata 22 pachavańni. Siarod pachavanych — žančyny, dzieci i mužčyny, što paćviardžaje: heta typovyja haradskija mohiłki.
Adnak adna znachodka ŭžo pryciahnuła asablivuju ŭvahu daśledčykaŭ.
«Z nahody maci ź dziciem składana zaraz štości kazać, tamu što ich treba da kanca rasčyścić i pahladzieć», — aściarožna adznačyła Vińnikava.
Navukovaja supracoŭnica adździeła archieałohii Instytuta historyi NAN Biełarusi Maryja Tkačova ŭdakładniła: dla chryścijanskich pachavańniaŭ situacyja, kali maci i dzicia lažać u adnoj mahile, nie samaja papularnaja.
«Čaściej usio ž taki staralisia chavać asobnaha indyvida ŭ asobnaj mahile. Tamu kali heta paćvierdzicca, što heta supolnaje pachavańnie, to heta budzie chutčej vyklučeńnie z pravił, čym typovaja praktyka», — patłumačyła Tkačova.
Raboty na miescy praciahvajucca.
Navukoŭcy spadziajucca atrymać bolš infarmacyi, jakaja dapamoža zrazumieć pachavalnyja tradycyi haradžan XVI—XVII stahodździaŭ.
Akramia antrapałahičnaha materyjału, archieołahi vyjavili artefakty: handlovy žeton Niurnbierha 1585—1636 hadoŭ, dva šklanyja miedaljony, a taksama ŭnikalnuju kaścianuju kapavušku (pradmiet hihijeny dla čystki vušej), dekaravanuju vyjavaj žyvioły, jakaja nahadvaje sabačku.
«Bolšaść takich pradmietaŭ vyrablałasia z bronzy. A tut my majem spravu ź vielmi dobra dekaravanaj kościu. Heta redkaść dla XVI—XVIII stahodździaŭ», — adznačyŭ navukovy supracoŭnik Instytuta historyi NAN Biełarusi Alaksandr Vašanaŭ.
-
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny
-
35 hadoŭ tamu ŭ SSSR adbyŭsia putč. Jak adreahavali biełarusy?
-
Čałaviectva takoje hienietyčna raznastajnaje dziakujučy śmiarotnaj malaryi, jakaja tysiačahodździami dzialiła Afryku na izalavanyja rehijony
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary