Avijakampanija «Biełavija» abviaściła akcyju na rejsy ŭ stalicu Indyi Deli — źnižki da 40 %. Prapanova dziejničaje pry kupli kvitkoŭ 8 i 9 krasavika.
Zdymak ilustracyjny. Fota: freepik.com
Kali nabyć bilet pa taryfie «Proma», košt pieralotu Minsk — Deli — Minsk budzie pačynacca prykładna ad 1208 rubloŭ.
Źnižka raspaŭsiudžvajecca jak na vylety ź Minska, tak i z Deli. Skarystacca takimi kvitkami možna da 27 červienia ŭklučna.
Adnak jość važnyja ŭmovy:
- źnižki nie dziejničajuć dla dziaciej ad 2 da 12 hadoŭ;
- maksimalny termin znachodžańnia ŭ Deli — da adnaho miesiaca;
- nieabchodna stroha vykonvać uvieś maršrut. Kali nie vykarystać pieršy siehmient (naprykład, nie palacieć ź Minska), astatnija pieraloty aŭtamatyčna anulujucca, i hrošy nie viartajucca.
Taksama pierad pajezdkaj treba ŭličyć praviły ŭjezdu ŭ Indyju: nieabchodna zahadzia, za 72 hadziny, zapoŭnić elektronnuju kartu prybyćcia.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku31
Kamientary