Pa ŭsioj Biełarusi praviali subotnik. Pracoŭny entuzijazm demanstravali i čynoŭniki
18 krasavika ŭ Biełarusi praviali respublikanski subotnik, da ŭdziełu ŭ jakim, pavodle źviestak uładaŭ, pryciahnuli kala 2,3 miljona čałaviek.
Pavodle aficyjnych źviestak, padčas hetaha mierapryjemstva sabrali bolš za 18 miljonaŭ rubloŭ. Ich abiacajuć, jak i letaś, nakiravać na stvareńnie pastajannaj ekspazicyi novaha Nacyjanalnaha histaryčnaha muzieja Biełarusi, jaki zaraz budujecca. Akramia samoj ekspazicyi, hrošy pojduć i na inšyja źviazanyja raboty — naprykład, abstalavańnie i afarmleńnie muziejnaj prastory.
U minułym hodzie, pavodle danych Nacyjanalnaha statystyčnaha kamiteta, była sabranaja pryblizna takaja ž suma — 18 miljonaŭ 549,4 tysiačy rubloŭ,
Ludzie adpraŭlali na roznyja vidy rabot: prybirać i ŭparadkoŭvać terytoryi, vysadžvać drevy, uparadkoŭvać parki, dvary i hramadskija miescy. Farmalna hetaja praca ličycca dobraachvotnaj, ale ni dla kaho nie tajamnica, što jaŭka zabiaśpiečvajecca pieradusim pry dapamozie administracyjnaha resursu.
Čynoŭniki ŭ hety dzień taksama demanstrujuć entuzijazm i vystaŭlajuć u sieciva svaje foty ŭ pracoŭnaj vopratcy ŭ pracesie vykanańnia niejkaj pracy. Voś tak, naprykład, pracavaŭ u Mazyry na rekanstrukcyi miascovaj radzilni vajenkam Homielskaj vobłaści i sienatar Andrej Kryvanosaŭ:
A voś tak demanstruje pracoŭny entuzijazm na rekanstrukcyi toj ža Mazyrskaj radzilni staršynia Homielskaha abłvykankama Ivan Krupko:
Kamientary