Siońniašniaj nočču ŭ Biełarusi zamarazki da -4°C achapili zachad i poŭdzień krainy.
Pavodle źviestak kanała @nadvorie, minułaja noč prajšła pad upłyvam chałodnych pavietranych mas. Samaja niepryjemnaja situacyja była ŭ paŭdniovych i zachodnich rehijonach krainy, dzie słupok termomietra ŭpeŭniena syšoŭ u «minus».

Tempieraturny minimum byŭ zafiksavany na stancyi «Paleskaja» — tam pavietra astudziłasia da -4.1°C.
Zamarazki naziralisia ŭ Drahičynie (-3.2°C), Hancavičach (-2.7°C) i Pinsku (-2.6°C).
Na zachadzie krainy, u rajonie Pružan i Vaŭkavyska, tempieratura vahałasia ad -1.6°C da -1.9°C.
Zaŭtra nadvorje jašče pahoršycca. Pavodle kanała @nadvorie, u Biełaruś idzie cykłon «N»: budzie jašče bolš vietrana, da taho ž u čaćvier mahčymyja apadki ź ledzianymi krupami.
Taksama stanie chaładniej: tempieratura składzie ad +5 da +9°S. Chutkaść vietru — 10—15 m/s, jon moža ŭzmacniacca paryvami da 20 m/s.
Kamientary