Na tydni z 20 da 26 lipienia ŭ Biełarusi čakajecca źmiena nadvorja. Paśla pieryjadu śpioki tempieratura pavietra panizicca, a ŭ krainu pastupiać vilhotnyja pavietranyja masy z Bałtyki. Pra heta paviedamiŭ u efiry telekanała ANT sinoptyk Dźmitryj Rabaŭ.
Pa słovach Dźmitryja Rabava, tempieratura na praciahu tydnia budzie nižejšaja za klimatyčnuju normu. Čakajucca častyja daždžy, navalnicy i paryvisty viecier. Ahułam druhaja pałova lipienia budzie prachałodnaj i niaŭstojlivaj.
U paniadziełak, 20 lipienia, nadvorje budzie vyznačać atłantyčny cykłon. U bolšaści rajonaŭ prahnazujucca daždžy, miescami navalnicy. Unačy pavietra astynie da +13…+18 hradusaŭ, udzień čakajecca ad +19 na zachadzie krainy da +25 na Homielščynie.
U aŭtorak, 21 lipienia, zachavajecca ŭpłyŭ atmaśfiernych frantoŭ. Amal pa ŭsioj krainie mahčymyja apadki i navalnicy. Tempieratura ŭnačy składzie +13…+18 hradusaŭ, a ŭdzień — ad +15 da +22.
U sieradu, 22 lipienia, daždžlivaje nadvorje praciahniecca. Unačy i ranicaj mahčymyja tumany, vilhotnaść pavietra budzie vielmi vysokaj. Tempieratura ŭnačy panizicca da +9…+15 hradusaŭ, udzień — da +13…+19.
U druhoj pałovie tydnia nadvorje pačnie vyznačać vobłaść padvyšanaha atmaśfiernaha cisku. U čaćvier, 23 lipienia, daždžy stanuć łakalnymi, ale pavyšanaja vilhotnaść zachavajecca. Unačy čakajecca +9…+14 hradusaŭ, udzień — ad +12 na poŭnačy da +21 na paŭdniovym zachadzie krainy.
U piatnicu, 24 lipienia, miescami mahčymyja karotkačasovyja daždžy i navalnicy. Unačy tempieratura składzie +13…+17 hradusaŭ, udzień — ad +17 da +23.
U vychadnyja ŭ Biełaruś pastupić vilhotnaje pavietra z Bałtyjskaha mora. U subotu, 25 lipienia, čakajecca vobłačnaje z prajaśnieńniami nadvorje, miescami projduć karotkačasovyja daždžy i navalnicy. Unačy budzie +10…+15 hradusaŭ, udzień — ad +19 da +25.
U niadzielu, 26 lipienia, u bolšaści rajonaŭ prahnazujucca daždžy. Unačy i ranicaj mahčymyja tumany. Tempieratura pavietra składzie ad +12 hradusaŭ unačy da +15…+25 udzień u zaležnaści ad rehijona.
Ciapier čytajuć
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary
Učora jeździŭ płavać da vadajomu ŭ susiedniuju viosku, zvyčajna spakojnuju j nia śpiešnuju, hetym razam šmatludnuju. U ich tam ślepakoŭ mieniej, dyk kamfortna, i ŭsie źjazdžajucca tudy. Śpioka, vada ciopłaja, a na hłybini dyk dobra, prachałodnieńka, u niebie 4 busły kružlajuć, vietryk, viasiołyja chvali dahaniajuć adna adnu, lubata j charastvo... Raptam zirnuŭ u bok svajoj vioski, a tam vo hetaja vo chmara, zaciahnuła nieba j suniecca ŭ moj bok... Usio.
Prahramu svaju ja vykanaŭ, jak i planavaŭ, ale paviarnuŭsia da siabie ŭžo ŭ doždž. Ciapier iznoŭ soniečna, tre iznoŭ kudyści matanuć, treba paśpiavać radavacca. Prahnoz niespryjalny, ale čas paradavacca zaŭždy možna znajści, navat u doždž.
Učora jeździŭ płavać da vadajomu ŭ susiedniuju viosku, zvyčajna spakojnuju j nia śpiešnuju, hetym razam šmatludnuju. U ich tam ślepakoŭ mieniej, dyk kamfortna, i ŭsie źjazdžajucca tudy. Śpioka, vada ciopłaja, a na hłybini dyk dobra, prachałodnieńka, u niebie 4 busły kružlajuć, vietryk, viasiołyja chvali dahaniajuć adna adnu, lubata j charastvo... Raptam zirnuŭ u bok svajoj vioski, a tam vo hetaja vo chmara, zaciahnuła nieba j suniecca ŭ moj bok... Usio.
Prahramu svaju ja vykanaŭ, jak i planavaŭ, ale paviarnuŭsia da siabie ŭžo ŭ doždž. Ciapier iznoŭ soniečna, tre iznoŭ kudyści matanuć, treba paśpiavać radavacca. Prahnoz niespryjalny, ale čas paradavacca zaŭždy možna znajści, navat u doždž.