Čytač padzialiŭsia z Myfin svajoj historyjaj nazapašvańniaŭ: na praciahu 2025 hoda jon kuplaŭ dołary, minimum $200 u miesiac. U vyniku za hod zafiksavaŭ stratu ŭ 1 550 rubloŭ. Jak tak vyjšła i na što źviarnuć uvahu tym, chto taksama addaje pieravahu aščadžeńniam u dołarach?
Kupla dołaraŭ — stratehija biełarusaŭ, pravieranaja dziesiacihodździami. Ale ŭ 2025 hodzie jana dała zboj. Z studzienia pa listapad 2025‑ha Alaksandr kupiŭ $14 754, što było ekvivalentna 44 378 BYN pa kursach na momant kupli. Kali b mužčyna nazapašvaŭ u biełaruskich rublach, u jaho było b na 1 500 BYN bolš. Raźbiarom historyju.
Jak źmianiaŭsia kurs u 2025 hodzie
Minuły 2025 hod pačaŭsia z kursu Nacbanka 3,4753 rubla za dołar (na 1 studzienia 2025-ha), a 1 studzienia 2026‑ha kurs źniziŭsia da 2,9027. Rubiel umacavaŭsia da dołara amal na 20% za hod.
Nacbank patłumačyŭ heta tryma faktarami:
biełaruski biznes skaraciŭ popyt na dołar praź źmieny ŭ struktury źniešniehandlovych raźlikaŭ;
sam dołar słabieŭ na suśvietnych rynkach;
rasijski rubiel umacoŭvaŭsia (naš rubiel pryviazany da rasijskaha prykładna na 50%).
Kožny faktar paasobku daŭ by karekcyju. Try razam — zabiaśpiečyli razvarot šmathadovaha trendu na 20%.
Dziońnik pakupak — historyja ŭ ličbach
Voś asabistaja historyja pakupak dołara ŭ 2025 hodzie. Pieršaja kupla ŭ studzieni — pa 3,487. Apošniaja ŭ listapadzie — užo pa 2,959.
Data
Suma (valuta)
Ekvivalent BYN
Najlepšy kurs pa horadzie
09.01.25 200 697,40 3,465 14.02.25 250 817,50 3,269 21.02.25 434 1 399,65 3,21 14.03.25 250 792,25 3,15 15.04.25 260 803,14 3,054 24.04.25 2 400 7 320,00 3,057 16.05.25 300 906,00 3,014 21.05.25 663 1 992,32 2,998 05.06.25 330 993,30 2,992 16.06.25 300 897,00 2,973 22.07.25 2 214 6 482,59 2,924 15.08.25 347 1 032,33 2,973 15.08.25 435 1 294,13 2,973 15.09.25 230 698,05 3,025 08.10.25 248 746,48 3,004 20.10.25 150 447,00 2,982 21.10.25 3 013 8 978,74 2,985 17.11.25 230 682,64 2,972 24.11.25 2 500 7 397,50 2,925
Uładalnik dziońnika bačyŭ, što kožnaja nastupnaja kupla idzie pa mienšym kursie. Choć u toj situacyi jon dziejničaŭ vielmi razumna: čym tańniej kuplaješ, tym bolš vyhady atrymaješ ad budučaha rostu dołara.
Što cikava ŭ hetym dziońniku
Alaksandr nie prosta kuplaŭ dołary — jon sačyŭ za kursam unutry banka. Dziakujučy hetamu vyhada za hod skłała 121,92 rubla. Kali b mužčyna braŭ dołary pa najhoršym kursie (dapuścim, vypadkova), straty skłali b 108,61 rubla. Ale, na žal, ahulnaja strata za hod skłała 1 550 BYN.
Što było alternatyvaj?
Rublovyja ŭkłady ŭ 2025 hodzie davali 10—15% hadavych pa biezadzyŭnych depazitach. Tyja, što možna papaŭniać — krychu mienš, ale taksama istotna.
Kali b kožny raz, kali ŭładalnik dziońnika traciŭ rubli na dołary, jon zamiest hetaha kłaŭ tyja ž sumy na rublovy ŭkład pad 10% hadavych — to da kanca hoda atrymaŭ by kala 2 200—2 500 rubloŭ pracentavaha dachodu. Plus zachavanyja 1 550 rubloŭ ad kursavoj roźnicy.
Vynik: prybytak u rublach skłaŭ by kala 8-9% ad układzienych 44 378 — prykładna 3 700—4 000 rubloŭ.
Što cikava — asnoŭnaja masa žycharoŭ Biełarusi razabrałasia ŭ situacyi chutčej: dola rublovych układaŭ u ahulnym abjomie depazitaŭ za hod vyrasła z treci da bolš čym pałovy.
Ci varta mianiać stereatypy?
Skazać zaraz, što «dołary — učarašni dzień, a vyhada ŭ depazitach», było b spraščeńniem.
Minuły hod staŭ vyklučeńniem z praviła, jakoje dziejničała praktyčna ŭvieś pieryjad isnavańnia biełaruskaha rubla. Ci paŭtorycca heta ŭ 2026‑m — asobnaje pytańnie, i adkazvać na jaho nichto nie śpiašajecca. A apisanaja historyja pakazvaje tolki toje, što lubaja stratehija, zapuščanaja aŭtamatyčna i bieź pierahladu, rana ci pozna moža akazacca stratnaj u nieprydatny dla jaje pieryjad.
Ciapier čytajuć
Dla kaho sabralisia budavać vielizarny vantavy most u Minsku?3
Kamientary