USU znoŭ atakavali Tuapsinski NPZ. Tam — treci za dva tydni pažar. Papiaredni ŭdałosia pahasić tolki čatyry dni tamu.
U Krasnadarskim krai Rasii paśla čarhovaj ataki bieśpiłotnikaŭ uspychnuŭ pažar na Tuapsinskim naftapierapracoŭčym zavodzie. Ułady rehijona paviedamili, što ŭzharańnie adbyłosia z-za «padzieńnia abłomkaŭ», i, pavodle papiarednich źviestak, paciarpiełych hetym razam niama.
Heta ŭžo treci pažar na pradpryjemstvie za apošnija dva tydni — raniej NPZ akazvaŭsia pad atakaj dronaŭ 16 i 20 krasavika.
Situacyja ŭ rehijonie zastajecca krytyčnaj z punktu hledžańnia ekałohii. Raniej ekołahi zafiksavali ŭ Čornym mory naftavuju plamu płoščaj kala 10 kvadratnych kiłamietraŭ, a ŭ samim Tuapse vypadali «naftavyja» apadki. Kancentracyja škodnych rečyvaŭ u pavietry horada pieravyšała dapuščalnyja normy ŭ dva-try razy.
Ale rasijskija ŭłady pierakananyja, što letni siezon adbudziecca, dla dziaciej u Tuapse pa-raniejšamu nabyvajuć pucioŭki.
Tuapsinski NPZ źjaŭlajecca častkaj adzinaha kompleksu z bujnym marskim terminałam. Praź jaho iduć maštabnyja pastaŭki naftapraduktaŭ na ekspart, što robić jaho klučavym vuzłom dla ekanomiki Rasii. Asnoŭnuju častku dachodaŭ rasijski biudžet atrymlivaje ad ekspartu nafty, naftapraduktaŭ i hazu.
Rasijskija vajenkary źviazvajuć usio bolšuju efiektyŭnaść ukrainskich udaraŭ z vyčarpańniem zapasaŭ zienitnych rakiet dla kompleksaŭ «Pancyr».
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli6
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary
A možna pakankretniej? U jakija kankretna krainy idzie nafta praz Tuapse?
Chto hetyja sponsary rasiejskaha teraryzmu?