Chakieist minskaha «Dynama» Vital Pinčuk pajšoŭ hulać u NCHŁ. Łukašenka spadziavaŭsia, što jon nie «źbiažyć»
24‑hadovy biełaruski chakieist Vital Pinčuk pierachodzić ź minskaha «Dynama» ŭ kłub NCHŁ «Nešvił Predatarz». Pra heta paviedamiła pres-słužba kamandy.
Sam spartsmien raniej raźvitaŭsia ź minskim «Dynama» i padziakavaŭ kiraŭnictvu, trenieram i zaŭziataram kłuba, zapeŭniŭšy, što «Minsk dla mianie nazaŭsiody zastaniecca asablivym miescam». Jon adznačyŭ, što šeść hadoŭ u «Dynama» stali dla jaho važnym etapam žyćcia, padčas jakoha jon vyras jak hulec i jak čałaviek.
Pinčuk vykazaŭ udziačnaść kiraŭnictvu kłuba za stvareńnie ŭmoŭ dla raźvićcia hulcoŭ i vysoki prafiesijny ŭzrovień arhanizacyi. Asablivaj padziaki ŭdastoiŭsia były kiraŭnik chakiejnaj fiederacyi, a ciapier sienatar Dźmitryj Baskaŭ, bo mienavita jon, pa słovach Pinčuka, u svoj čas pavieryŭ u jaho i daŭ mahčymaść prajavić siabie na vysokim uzroŭni.
Cikava, što jašče ŭ pačatku krasavika Alaksandr Łukašenka, naviedvajučy treniroŭku chakiejnaha «Dynama» pierad jahonaj niaŭdałaj sieryjaj z kazanskim «Ak Barsam» u čverćfinale Kubka Haharyna i źviartajučysia da amierykanskaha lehijaniera Sema Enasa, namaŭlaŭ jaho zastavacca ŭ «Dynama» dalej, hulajučy razam ź Pinčukom:
«Sem, 5 hadoŭ ty jašče pavinien adyhrać u Minsku. Razam ź Pinčukom. Bo jon źbiažyć, kali ty pajedzieš kudy-niebudź».
Ale vyhladaje, što biełarus Pinčuk navažyŭsia na «ŭcioki» ŭ Amieryku niezaležna ad rašeńnia amierykanca.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie59
Kamientary