U Akademii navuk pačali rabić z dackaj čyrvonaj karovy biełaruskuju
Biełaruskija navukoŭcy zaviaršyli pieršy etap stvareńnia ŭłasnaj vysokapraduktyŭnaj čyrvonaj parody małočnaj žyvioły. Prajekt realizujecca Nacyjanalnaj akademijaj navuk i nakiravany na raspracoŭku novaj parody, prystasavanaj da miascovych umoŭ, paviedamlaje telekanał STB.
Na pieršym etapie biełaruskija śpiecyjalisty zajmalisia adaptacyjaj dackich čyrvonych karoŭ, vyvučali ich praduktyŭnaść i ŭmovy ŭtrymańnia.
Daśledavańni pravodziacca ŭ roznych haspadarkach, u tym liku na ekśpierymientalnaj bazie «Vuście» ŭ Aršanskim rajonie. Pavodle nazirańniaŭ, žyvioły dobra pryžylisia ŭ biełaruskim klimacie, dajuć vysokija nadoi i demanstrujuć ustojlivaść da źniešnich faktaraŭ.
Jak adznačyŭ kiraŭnik NANB Uładzimir Karanik, na hetym etapie taksama vyznačali hienietyčny patencyjał parody i aptymalnyja technałohii jaje ŭtrymańnia, kab zabiaśpiečyć jak zachavanaść žyvioły, tak i vysokuju praduktyŭnaść.
Ciapier prajekt pierachodzić u nastupnuju fazu. Płanujecca vydzielić hienietyčnyja markiery, jakija adkazvajuć za praduktyŭnaść i žyćciazdolnaść, a zatym vykarystoŭvać ich dla stvareńnia novaj parody šlacham skryžavańnia ź biełaruskimi i inšymi parodami, u tym liku hałšcinskaj.
Meta prajekta — da 2030 hoda atrymać ajčynnuju čyrvonuju parodu, jakaja stanie alternatyvaj užo najaŭnym. Čakajecca, što małako takich karoŭ budzie mieć pavyšanaje ŭtrymańnie tłušču, białku i vitaminaŭ, što asabliva važna dla vytvorčaści syroŭ i inšaj pradukcyi z vysokaj dadadzienaj vartaściu.
«Takoje — paŭsiudna». Videa z karovami ŭ hrazi ŭ Dobrušskim rajonie stała virusnym u sacsietkach
Ankołah Karanik vystupiŭ z dakładam ab zachavańni bujnoj rahataj žyvioły
«Apošni traktar zabiare bank». Jak fiermier pabudavaŭ unikalny biznes, ale praz 30 hadoŭ usio stracić
U Biełarusi pavialičylisia nadoi małaka
Biełarusa spynili na miažy z Rasijaj z karovinymi hałovami
Ciapier čytajuć
Na Alaksandru Hierasimieniu napali ŭ centry Varšavy23
Kamientary