Ciapier heta aficyjny turystyčny abjekt z zapaminalnaj nazvaj.
Krejdavyja karjery pad Vaŭkavyskam, viadomyja svajoj biruzovaj vadoj, aficyjna pryznanyja hieałahičnym pomnikam pryrody miascovaha značeńnia. Rašeńnie Vaŭkavyskaha rajvykankama, jakoje ŭstupiła ŭ siłu 12 maja 2026 hoda, pieratvaraje papularnuju łakacyju ŭ achoŭnuju terytoryju z vyznačanymi miežami i praviłami naviedvańnia.
Novy abjekt atrymaŭ aficyjnuju nazvu «Krasnasielskija Maldyvy». Jaho płošča — 356 hiektaraŭ.
Kiravańnie zonaj daručana miascovamu turystyčnamu infarmacyjnamu centru sumiesna z pradpryjemstvam «Krasnasielskbudmateryjały».
Nadańnie statusu pomnika pryrody dazvolić raźvivać unikalnaje miesca jak paŭnavartasny ekskursijny punkt z naležnaj infrastrukturaj i finansavańniem.
Praviły biaśpieki zastajucca strohimi. Kupańnie ŭ vadajomach pa-raniejšamu zabaroniena z-za vielizarnaj hłybini, jakaja dasiahaje 50 mietraŭ, i niestabilnaści krejdavych bierahoŭ, schilnych da raptoŭnych abvałaŭ.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary
P.S. Kali što, ja heta nie ŭ abaronu režymu ci Anłajniera ź jaho firmovym stylem i saaabrazańniem paśla 2020.
(Darečy, niešta blizkaje, typa daścipnaje, ale pošłaje - u vyrazach "parłamient" i "sienatary", kali heta kažuć pra łukašysckija struktury).
I hałoŭnaje tut, što sami biełarusy, miascovyja nie viedajuć svajo.
Kali dla čałavieka pieršasnaje - viedy z televizara i pop-kultury, niejkija stereatypy, a druhasnaje - toje, što pad bokam. Jon tyja "viersali", "maldzivy" i "šviejcaryi", mabyć, nie bačyŭ i nie ŭbačyć, ale paraŭnoŭvaje ź imi. Voś dzie absurdnaść mifałahičnaha saznańnia.