Sud Jeŭrasajuza zadavoliŭ pazoŭ rasijskaha biznesmiena Michaiła Huceryjeva i anulavaŭ sankcyi ES, uviedzienyja suprać jaho jašče ŭ 2021 hodzie za supracu z režymam Łukašenki. Ciapier vyśvietliłasia, što hetaj supracy ŭžo niama.
Rašeńnie było pryniata 13 maja. U im adznačajecca, što jašče ŭ 2021 hodzie Rada ES uklučyła Huceryjeva ŭ sankcyjny śpis, paličyŭšy jaho ŭpłyvovym rasijskim biznesmienam ź intaresami ŭ Biełarusi i blizkimi adnosinami ź biełaruskimi ŭładami.
U ES śćviardžali, što Huceryjeŭ mieŭ biznes u śfierach enierhietyki, kalijnaj pramysłovaści i nieruchomaści, a taksama padtrymlivaŭ Łukašenku padčas enierhietyčnaha kanfliktu pamiž Biełaruśsiu i Rasijaj u 2020 hodzie. U pryvatnaści, zhadvalisia kampanija «Słaŭkalij», haścinica Renaissance u Minsku, biznes-centr i abjekty ŭ minskim aeraporcie.
Adnak u sudzie biznesmien zajaviŭ, što jašče z 2022 hoda bolš nie maje dziełavych intaresaŭ u Biełarusi. Jon paviedamiŭ, što straciŭ kantrol nad prajektam Niežynskaha horna-ŭzbahačalnaha kambinata, bolš nie vałodaje minskimi aktyvami i vyjšaŭ z kiraŭnictva šerahu kampanij.
Huceryjeŭ taksama admaŭlaŭ najaŭnaść asablivych adnosin z Łukašenkam, nazyvajučy jaho tolki znajomym. Pavodle jaho słoŭ, kantakty ź biełaruskimi ŭładami byli vyklučna dziełavymi i nieabchodnymi dla realizacyi inviestycyjnych prajektaŭ.
U vyniku sud pryjšoŭ da vysnovy, što Rada ES nie zmahła dakazać, što na momant padaŭžeńnia sankcyj biznesmien pa-raniejšamu padtrymlivaŭ biełaruskija ŭłady abo atrymlivaŭ vyhadu ad suviaziaŭ ź imi.
U vyniku rašeńnie ab sankcyjach było admieniena, a Radu ES abaviazali apłacić sudovyja vydatki Huceryjeva.
Niadaŭna stała viadoma, što Michaił Huceryjeŭ źbirajecca pryjści ŭ biełaruskuju sielskuju haspadarku. Padčas jahonaj niadaŭniaj sustrečy sa staršynioj Homielskaha abłvykankama Ivanam Krupko abmiarkoŭvałasia «pytańnie vydzialeńnia sielskahaspadarčych ziamiel dla raźvićcia ahrarnaha biznesu». Akramia taho, Krupko i Huceryjeŭ «havaryli pra ŭkładańnie inviestycyj u ahrapramysłovy kompleks i raźvićcio fiermierskich haspadarak».
Michaił Huceryjeŭ źbirajecca pryjści ŭ biełaruskuju sielskuju haspadarku
Aliharch Huceryjeŭ raskazaŭ, jak rasčaravaŭsia ŭ Zachadzie: Paśla 2022 hoda ja nibyta źniaŭ šory ź siabie
Michaił Huceryjeŭ paćvierdziŭ nacyjanalizacyju «Słaŭkalija» i skazaŭ pra «zavisańnie» svaich paŭmiljarda dalaraŭ
Huceryjeŭ chacieŭ zdać Łukašenku i Pucina amierykancam. U abmien na źniaćcie sankcyj
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty27
Kamientary
Bolšie vsieho rośsijskoho sžižiennoho haza v piervom kvartale 2026 hoda zakupiła Francija. Takžie v śpisok krupniejšich importierov popali Ispanija i Bielhija.
A Huceryjaŭ - havaraščaja hałava, frajer, jaki tarhavaŭ tvaram i na jakoha sumnieŭnyja hrošy byli zapisany. Hrošaŭ niama - tamu i sankcyjaŭ niama.
Ty mnie lepiej raskažy - ty korm rybny ŭžo jeŭ? A čaho tak mała? Ty što, Łuku nie pavažaješ? A nu źjeŭ kiłahram chucieńka