Sańnikaŭ pakpiŭ z taho, što Ofis Cichanoŭskaj na mižnarodnym samicie byŭ pradstaŭleny rabotnikam pa proźviščy Piedersan
Piedersan dypłamatyčna prapanavaŭ Sańnikavu razmovu pry nastupnaj sustrečy, ale kandydat na vybarach-2010 rašuča adchiliŭ ideju: «Vy pradstavilisia jak «pradstaŭnik demakratyčnaj» Biełarusi, a nie jak pradstaŭnik niejkaha ofisa. Dyk spynicie chłusić».
Adzin ź lidaraŭ Chartyi'97 Andrej Sańnikaŭ paśla viartańnia z Kapienhahienskaha samitu demakratyj, arhanizavanaha byłym hienieralnym sakratarom NATO i zasnavalnikam The Alliance of Democracies Foundation Andersam Foham Rasmusienam, apublikavaŭ iraničny dopis pra toje, što Biełaruś na mierapryjemstvie pradstaŭlaŭ čałaviek pa proźviščy Piedersan.
«Viarnuŭsia z Kapienhahienskaha samitu demakratyj… i z ździŭleńniem daviedaŭsia, što tam, akazvajecca, byŭ až ceły pradstaŭnik demakratyčnaj Biełarusi pa proźviščy Piedersan. Ja jaho tam nie bačyŭ i nie čuŭ, ale ja ščaślivy, što ŭ čałavieka z proźviščam Piedersan jość aščuščenije, što jon pradstaŭlaje Biełaruś», — napisaŭ Sańnikaŭ, dadaŭšy: «Vinšuju ŭsich datyčnych da Piedersana!». Da pasta jon prykłaŭ fota, na jakim doryć Rasmusienu svaju knihu «Biełaruś u NATO».
Karym Piedersan — kiraŭnik adździeła mižnarodnych kamunikacyj Ofisa Cichanoŭskaj. Jon pracuje ŭ Ofisie z 2021 hoda. Heta adziny zamiežnik u kamandzie.
Čytajcie:U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj
U kamientarach da pasta adhuknuŭsia sam Karym Piedersan. Jon patłumačyŭ, što pradstaŭlaŭ na samicie Ofis Śviatłany Cichanoŭskaj, jakaja nie zmahła pryjechać asabista, dypłamatyčna vykazaŭ škadavańnie, što jany z Sańnikavym nie paśpieli parazmaŭlać, i zaprasiŭ da sustrečy nastupnym razam.
Adnak Sańnikaŭ nie paličyŭ tłumačeńnie dastatkovym. «Vy pradstavilisia jak «pradstaŭnik demakratyčnaj» Biełarusi, a nie jak pradstaŭnik niejkaha ofisa. Dyk spynicie chłusić, pierš čym prapanoŭvać razmovu», — adkazaŭ palityk.
Vyhladała, što Piedersan nie zrazumieŭ, što ad jaho choča Sańnikaŭ, tamu na ŭsialaki vypadak vybačyŭsia za mahčymaje niapravilnaje ŭražańnie i padkreśliŭ, što apošnija piać hadoŭ svajho žyćcia pryśviaciŭ padtrymcy biełarusaŭ:
«Prašu prabačeńnia, kali majo paviedamleńnie pakinuła niapravilnaje ŭražańnie — mahu Vas zapeŭnić, što z majho boku heta nie było ni naŭmysna, ni niepavažliva ŭ jakim-niebudź sensie. Zusim naadvarot: apošnija piać hadoŭ svajho žyćcia ja pryśviaciŭ tamu, kab padtrymlivać biełarusaŭ usimi mahčymymi sposabami»
Ale Sańnikaŭ jašče raz adčytaŭ datčanina: «Znoŭ ža, «padtrymlivajecie» niejki ofis, a nie biełarusaŭ. Starajciesia vykazvacca karektna».
-
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»
-
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
-
«Biełavija» pačnie lotać z Homiela ŭ Churhadu
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra4
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary