Stała viadoma pra vyzvaleńnie palitviaźnia Uładzimira Dudarava — byłoha vice-mera Mahilova
U 2020‑m jon uznačaliŭ abłasny štab Viktara Babaryki i adrazu atrymaŭ vializny termin za «machlarstva» i «pieravyšeńnie ŭłady».
Vyjšaŭ na svabodu 49‑hadovy Uładzimir Dudaraŭ. Jamu prysudzili 7,5 hoda źniavoleńnia za złoŭžyvańnie słužbovymi paŭnamoctvami (č. 3 art. 426 KK) i machlarstva (č. 4 art. 209 KK), ale pretenzii da byłoha čynoŭnika źjavilisia tolki tady, kali jon staŭ kaardynaram rehijanalnaj inicyjatyŭnaj hrupy Viktara Babaryki.
Dudaraŭ doŭhi čas pracavaŭ u Mahiloŭskim harvykankamie, u 2018‑2019 byŭ namieśnikam kiraŭnika horada pa budaŭnictvie i žyllova-kamunalnaj haspadarcy.
U 2020‑m Dudaraŭ, jaki na toj momant užo pakinuŭ dziaržaŭnuju słužbu, dałučyŭsia da kamandy Viktara Babaryki. Heta byŭ samy vysokapastaŭleny čynoŭnik (chaj i adstaŭny) siarod kaardynataraŭ bankira.
U vyniku Dudaravu prypomnili jaho staryja «hrachi», pačynajučy z 2008 hoda. Śledstva dakazvała, što jon dziesiać hadoŭ rabiŭ machinacyi z kvaterami.
Byłomu čynoŭniku prysudzili 7,5 hoda źniavoleńnia. Jon adbyvaŭ pakarańnie ŭ kałonii ŭ Babrujsku. Za košt taho, što prysud farmalna byŭ niepalityčnym, Dudaraŭ tearetyčna moh traplać pad amnistyi, tamu i vyjšaŭ trochi raniej za pryznačany termin.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty25
Kamientary