Nazvali samuju papularnuju knihu z novaha čatyrochtomnika pra Biełaruś
Heta — «Biełaruś: trahiedyja i praŭda pamiaci: hienacyd biełaruskaha naroda ŭ hady Vialikaj Ajčynnaj vajny», raskazaŭ dyrektar vydaviectva «Biełaruś» Aleś Karlukievič, piša BiełTA.
«Z vydaviectva z ulikam reziervu ŭžo razyšłosia amal 80% knih sieryi. Najbolš papularnaj stała kniha, pryśviečanaja temie hienacydu biełaruskaha naroda ŭ hady Vialikaj Ajčynnaj vajny. Zastałosia jašče kala 800 asobnikaŭ hetaj knihi», — adznačyŭ Alaksandr Karlukievič.
U čatyrochtomnik uvachodziać nastupnyja knihi: «Biełaruś: trahiedyja i praŭda pamiaci: hienacyd biełaruskaha naroda ŭ hady Vialikaj Ajčynnaj vajny», «Historyja biełaruskaj dziaržaŭnaści: z najstaražytniejšych časoŭ i da našych dzion», «Biełaruś: kulturnaja i duchoŭnaja spadčyna», «Sučasnaja Biełaruś: kraina i ludzi».
Havoračy pra ŭsiu sieryju, dyrektar vydaviectva padkreśliŭ, što jamu chaciełasia, kab z dapamohaj hetych knih čytač — niezaležna ad taho, biełarus jon ci žychar inšaj krainy — moh sfarmiravać ujaŭleńnie pra Biełaruś.
Historyk Ihar Marzaluk dadaŭ, što ŭ knihach nie prapuščany nivodny etap raźvićcia krainy, nivodny pieryjad našaj historyi.
«Tut niama vyrvanych miežaŭ. I heta pryncypovy biełaruski padychod — jon adroźnivajecca cełasnaściu i arhaničnaściu. U tym liku nichto tut nie ihnaruje savieckaje minułaje, nie ihnaruje dziaržavu, stvoranuju na savieckaj asnovie», — padkreśliŭ jon.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary