U Krupkach užo try tydni šukajuć žančynu. U subotu arhanizujuć maštabnyja pošuki
Pra Alenu Cechavuju ničoha nie viadoma z 25 krasavika. Apošni raz 72‑hadovuju žančynu bačyła jaje siabroŭka — heta było za dzień da źniknieńnia.
«Nijakich začepak, kudy jana mahła pajści, u nas niama, — kaža Onliner.by pradstaŭnica atrada «Anioł» Julija Koŭhan. — Raniej, pavodle jaje słoŭ, Alena Viktaraŭna nie źnikała. Na zaŭtra, u subotu, abvieščanyja maštabnyja pošuki».
Alena Cechavaja pražyvaje ŭ Krupkach-2. Heta vajskovy haradok, pa pierymietry jakoha ciahniecca sucelny lasny masiŭ. Piensijanierka časta chadziła da siabroŭki ŭ Krupki, ale nikoli raniej nie źnikała, i prablem z pamiaćciu ŭ jaje nie zaŭvažałasia.
Apošni raz Alenu Viktaraŭnu bačyła siabroŭka: 24 krasavika jany razam chadzili na prahułku i ŭ kramu.
Mienavita jana pieršaj zabiła tryvohu, kali pažyłaja žančyna praź niekatory čas pierastała vychodzić na suviaź.
Alenie Cechavoj 72 hady. U dzień źniknieńnia na joj byli śvietłaja chustka, śvietłaja padoŭžanaja kofta i šeryja štany.
— U nas niama mierkavańniaŭ, kudy jana mahła nakiravacca. Pavodle słoŭ blizkich, u Aleny Viktaraŭny jość lecišča ŭ Načy, ale apošnim časam jana tam užo ničoha nie sadžała i nie jeździła, — kaža Julija Koŭhan.
Blizkija, milicyja i vałanciory šukajuć Alenu Viktaraŭnu z 25 krasavika. Mienavita ŭ hety dzień kala siami hadzin ranicy jana trapiła na kamiery videanazirańnia. Na zapisach vidać, jak žančyna vyjšła z domu i nakiravałasia pa vulicy Armiejskaj u bok Krupki.
Paźniej, kala treciaj hadziny dnia, minaki zaŭvažyli žančynu, jakaja padychodziła pad apisańnie, niepadalok ad čyhunačnaha pierajezdu, ale ci sapraŭdy heta była Alena Cechavaja — nieviadoma. Niahledziačy na heta, pošukaviki i kinołahi pračesvajuć lasny masiŭ i ŭ hetaj miascovaści.
Pavodle danych pošukava-vyratavalnaha atrada «Siryus», jaki taksama ŭdzielničaje ŭ pošukach razam sa svajakami źnikłaj, milicyjaj i miascovymi žycharami, praciahvajecca adpracoŭka terytoryi, dzie mahła pieramiaščacca piensijanierka.
— U vychodnyja, 16 i 17 maja, płanujucca maštabnyja pošuki Aleny Cechavoj, — kaža Julija Koŭhan. — My čakajem, što da pošukavikaŭ dałučycca vialikaja kolkaść vałancioraŭ, a taksama milicyja, vajskoŭcy i laśnictva.
Julija adznačaje, što da pošukaŭ mohuć dałučycca ŭsie achvotnyja. Taksama aktualnaj budzie dapamoha matacyklistaŭ. Kali vy chočacie dapamahčy pošukavikam, telefanujcie na haračy numar: 7733.
Kamientary