U Branskaj vobłaści ad udara drona zahinuŭ padarožnik, jaki ŭ kamuflažy išoŭ piechatoj u Braziliju
Padarožnik pa mianušcy Saša Koń išoŭ z Razanskaj vobłaści ŭ Łacinskuju Amieryku. Ciažka skazać, zychodziačy ź jakich mierkavańniaŭ jon płanavaŭ svoj maršrut, adnak ža čamuści padyšoŭ pad samuju miažu z Ukrainaj.
13 maja ŭłady Branskaj vobłaści paviedamlali pra ataku drona pa vioscy Staraja Pahošč u pamiežnym z Ukrainaj Suziemskim rajonie, u vyniku jakoj zahinuŭ uradženiec Staŭrapolskaha kraju. Imia tady nie nazyvałasia.
Paźniej źjaviłasia infarmacyja, što zahinułym moža być mienavita Saša Koń, choć dakumientaŭ pry im nie znajšli.
37‑hadovy padarožnik staŭ viadomy paśla taho, jak u pačatku krasavika vypraviŭsia pieššu z Razanskaj vobłaści ŭ Braziliju. Jon byŭ apranuty ŭ kamuflažnaje adzieńnie, ciahnuŭ za saboj samarobny vazok vahoj kala 300 kiłahramaŭ i, pavodle paviedamleńniaŭ, prachodziŭ ad 15 da 30 kiłamietraŭ za dzień.
Sašu Kania zaŭvažyli ŭ Branskaj vobłaści jašče 5 maja. Pa słovach mužčyny, u Łacinskuju Amieryku jon adpraviŭsia «ŭ pošukach siabie», tamu što vyrašyŭ pakinuć «chraničnuju mituśniu». Ciapier jon pakinuŭ jaje naviečna.
Vioska Staraja Pahošč znachodzicca za 5,5 km ad ukrainskaj miažy pa pramoj i rehularna padviarhajecca atakam USU.
Zialenski: Rasija ŭdaryła pa domie ŭ Kijevie zusim novaj rakietaj X-101. Značyć, kampanienty zavoziacca
Rasija biła pa Kijevie rakietami i dronami. Abvaliŭsia padjezd šmatpaviarchovika
Va Ukrainie zahinuŭ pieršy rasijski student, zavierbavany ŭ vojski BPŁA
Haryć naftapierapampoŭnaja stancyja ŭ Baškartastanie
Kamientary