Prapahanda pakazała treciaha zatrymanaha nibyta za hałasavańnie ŭ KR. Heta nastaŭnik z Hrodna, jaki raniej žyŭ u ZŠA
Na kamieru mužčyna kaža, što nibyta zajšoŭ na sajt Kaardynacyjnaj rady, abraŭ śpis Paŭła Łatuški i prahałasavaŭ, bo «chacieŭ daviedacca, jak chutka jaho znojduć milicyjaniery».
Praŭładnyja telehram-kanały pakazali videa z čarhovym zatrymanym nibyta za anłajn-hałasavańnie na vybarach u Kaardynacyjnuju radu. Heta hrodzieniec Pavieł Karlukoŭ.
Jon vypusknik Hrodzienskaha dziaržaŭnaha ŭniviersiteta imia Janki Kupały, dzie z 1998 da 2003 hoda vyvučaŭ zamiežnyja movy i navat paśpieŭ papracavać vykładčykam u rodnaj VNU.
Mužčyna šmat hadoŭ pravioŭ u ZŠA. Z 2007 da 2020 hoda jon źmianiŭ dziasiatak prac za akijanam: byŭ aficyjantam na kruiznych łajnierach, pracavaŭ u hatelach, aŭtasałonach i kaviarniach u Fłarydzie i inšych štatach.
Adnak amierykanskaja mara nie skłałasia. U vieraśni 2020 hoda hrodzieniec pakinuŭ vodhuk na imihracyjnuju słužbu ZŠA ŭ Čykaha. Mužčyna skardziŭsia, što jamu admovili ŭ afarmleńni dakumientaŭ na stałaje žycharstva praz adsutnaść niejkaj pryščepki.
Karlukoŭ viarnuŭsia da vykładańnia. Apošnija hady jon pracavaŭ nastaŭnikam anhlijskaj movy na fryłansie, u tym liku ŭ anłajn-škole Skyeng.
Što ź im ciapier — nieviadoma.
Siłaviki pahražali zaviadzieńniem kryminalnaj spravy za «sadziejničańnie ekstremisckaj dziejnaści» i tym, chto bałatujecca ŭ KR, i tym, chto hałasuje.
Ci Karlukoŭ sapraŭdy hałasavaŭ, nieviadoma. Jon moh pierajści pa sapraŭdnaj spasyłcy hałasavańnia, ale nie ŭklučyć VPN, i heta dazvoliła b siłavikam adsačyć jaho aktyŭnaść. Jon moh pierajści pa niejkaj fejkavaj spasyłcy. Mahčyma i varyjant, kali jaho zatrymali za niešta inšaje, ale paprasili ahučyć padrychtavany tekst pra hałasavańnie.
«Naša Niva» — bastyjon biełaruščyny
PADTRYMAĆ
Kamientary