72‑hadovy amierykanski akcior Džon Travołta niečakana atrymaŭ hanarovuju «Załatuju palmavuju halinku» na Kanskim kinafiestyvali. Uznaharodu jamu ŭručyŭ mastacki kiraŭnik fiestyvalu Ćjery Fremo pierad premjeraj debiutnaha režysiorskaha filma Travołty «Prapieler: Načny rejs u adzin kaniec».
Akcior byŭ vidavočna rasčuleny — jon nie zmoh strymać śloz i pryznaŭsia, što zusim nie čakaŭ takoha pryznańnia.
Travołta adznačyŭ, što hety viečar staŭ dla jaho sapraŭdnym siurpryzam, a Fremo adkazaŭ, što arhanizatary zahadzia płanavali takuju niečakanaść.
Sioleta akcior pryjechaŭ u Kany, kab pradstavić svoj pieršy film jak režysior. Pavodle jaho słoŭ, heta samaja asabistaja rabota ŭ jaho karjery. Stužka raskazvaje pra padarožža chłopčyka i jaho maci ŭ Halivud u epochu roskvitu avijacyi. U filmie taksama źniałasia dačka akciora Eła Blu Travołta.
Arhanizatary fiestyvalu raniej paviedamlali, što hanarovyja ŭznaharody taksama atrymajuć režysior Piter Džeksan i śpiavačka dy aktrysa Barbra Strejzand. Ale ŭ Kanach užo stała tradycyjaj uručać jašče adnu niečakanuju «palmu» — letaś jaje atrymaŭ Denzieł Vašynhton.
Film Travołty źjavicca na płatformie Apple TV 29 maja.
Raniej Travołta ŭžo demanstravaŭ na Kanskim kinafiestyvali filmy «Kryminalnaje čytvo» (1994), «Jana takaja pryhožaja» (1997) i «Asnoŭnyja kolery» (1998). Tady jon vystupaŭ jak akcior.
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club2
Kamientary