72‑гадовы амерыканскі акцёр Джон Траволта нечакана атрымаў ганаровую «Залатую пальмавую галінку» на Канскім кінафестывалі. Узнагароду яму ўручыў мастацкі кіраўнік фестывалю Цьеры Фрэмо перад прэм’ерай дэбютнага рэжысёрскага фільма Траволты «Прапелер: Начны рэйс у адзін канец».
Акцёр быў відавочна расчулены — ён не змог стрымаць слёз і прызнаўся, што зусім не чакаў такога прызнання.
Траволта адзначыў, што гэты вечар стаў для яго сапраўдным сюрпрызам, а Фрэмо адказаў, што арганізатары загадзя планавалі такую нечаканасць.
Сёлета акцёр прыехаў у Каны, каб прадставіць свой першы фільм як рэжысёр. Паводле яго слоў, гэта самая асабістая работа ў яго кар’еры. Стужка расказвае пра падарожжа хлопчыка і яго маці ў Галівуд у эпоху росквіту авіяцыі. У фільме таксама знялася дачка акцёра Эла Блю Траволта.
Арганізатары фестывалю раней паведамлялі, што ганаровыя ўзнагароды таксама атрымаюць рэжысёр Пітэр Джэксан і спявачка ды актрыса Барбра Стрэйзанд. Але ў Канах ужо стала традыцыяй уручаць яшчэ адну нечаканую «пальму» — летась яе атрымаў Дэнзел Вашынгтон.
Фільм Траволты з’явіцца на платформе Apple TV 29 мая.
Раней Траволта ўжо дэманстраваў на Канскім кінафестывалі фільмы «Крымінальнае чытво» (1994), «Яна такая прыгожая» (1997) і «Асноўныя колеры» (1998). Тады ён выступаў як акцёр.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію11
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары