U SIZA Tahanroha ŭkrainskaj žurnalistcy Viktoryi Roščynaj złamali patyličnuju kostku — Nacpalicyja Ukrainy
Rasijanie złamali ŭkrainskaj žurnalistcy Viktoryi Roščynaj patyličnuju kostku, kali ŭtrymlivali jaje ŭ pałonie ŭ SIZO №2 horada Tahanroh RF. Pra heta padčas pasiadžeńnia časovaj śledčaj kamisii pa złačynstvach Rasijskaj Fiederacyi suprać miedyja paviedamiŭ namieśnik načalnika ŭpraŭleńnia Hałoŭnaha śledčaha ŭpraŭleńnia Nacpalicyi Dźmitryj Šaŭčuk.
«Heta my vyjavili padčas praviadzieńnia adpaviednych sudova-miedycynskich ekśpiertyz», — adznačyŭ Šaŭčuk.
Pavodle jaho słoŭ, Viktoryja zaznavała ŭ pałonie sistematyčny hvałt praz toje, što patrabavała narmalnych umoŭ utrymańnia, u pryvatnaści prymalnaj ježy, a taksama admoviłasia śpiavać rasijski himn.
Jaje trymali ŭ kamiery №124 z antysanitarnymi ŭmovami. Tam nie było haračaj vady, na pryjom ježy advodziłasia ŭsiaho try chviliny, i za hety čas treba było paśpieć jašče i pamyć posud. Z ranicy i da adboju zabaraniałasia siadzieć abo lažać.
«U vypadku parušeńnia hetych pravił — źbićcio i inšyja prajavy žorstkaha abychodžańnia», — paviedamiŭ Šaŭčuk.
Taksama jon adznačyŭ, što padčas etapavańnia žurnalistki ŭ SIZA horada Kizieł (RF) jana znachodziłasia ŭ krytyčnym stanie i pastajanna mieła patrebu ŭ miedycynskaj dapamozie.
«Ale niahledziačy na heta, administracyja ŭstanovy praciahvała ŭžyvać fizičny i psichičny hvałt, a taksama ŭtrymlivać a ŭmovach, niebiaśpiečnych dla žyćcia», — zajaviŭ Dźmitryj Šaŭčuk.
Padčas dasudovaha rasśledavańnia ŭkrainskija pravaachoŭniki ŭstanavili, što kiraŭnik SIZA viedaŭ, što na terytoryi ŭstanovy žurnalistka ŭtrymlivajecca ŭ vielmi ciažkim stanie. Pavodle słoŭ Šaŭčuka, kiraŭnik SIZA praciahnuŭ umovy, što pahoršyli jaje stanovišča.
Pa danych śledstva, 19 vieraśnia 2024 hoda, praz tydzień paśla prybyćcia ŭ SIZA, Viktoryja Roščyna pamierła. Pryčynaj stali bieśpierapynnyja ździeki, jakija jana zaznavała ŭ pałonie.
Što viadoma pra hibiel Viktoryi Roščynaj
Pra śmierć Viktoryi Roščynaj u rasijskim źniavoleńni stała viadoma 10 kastryčnika 2024 hoda. Zhodna ź listom Ministerstva abarony Rasii, atrymanym jaje baćkam 10 kastryčnika, Viktoryja pamierła 19 vieraśnia 2024 hoda.
Žurnalistka była ŭ śpisach na abmien.
Cieła Viktoryi viarnuli va Ukrainu naprykancy lutaha 2025 hoda. Z dapamohaj DNK-ekśpiertyzy jaje asobu identyfikavali. Pa vynikach sudova-miedycynskaj ekśpiertyzy pryčyny śmierci žurnalistki ŭstanavić nie ŭdałosia z-za stanu cieła. U toj ža čas na ciele Viktoryi byli vyjaŭleny šmatlikija prykmiety katavańniaŭ.
U rasśledavańni «Prajekt Viktoryja» havorycca, što
Rasija pieradała Ukrainie cieła žurnalistki Viktoryi Roščynaj, jakoje było paznačana ŭ dakumientach jak «nieŭstanoŭlenaja asoba mužčynskaha połu» i mieła adzinuju niezrazumiełuju paznaku: SPAS.
Padčas ahladu vyjaviłasia, što niekatoryja ŭnutranyja orhany adsutničali. U pryvatnaści, hałaŭny mozh, vočnyja jabłyki, a taksama častka trachiei.
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia14
Kamientary
Lubaja ustupka, lubaja śniataja sankcija — eto vaši priamyje inviesticii v novyje pytočnyje kamiery. Mańjakov nie zadabrivajut ustupkami, ich uničtožajut. A vsie, kto siehodnia nojet pro "dipłomatiju s riežimom", prosto hotovy sponsirovať etot sadizm svoimi nałohami i śniatymi banami.
[Zredahavana]
I nie rabicie vyhlad, što vy hetaha nie razumiejecie (a kali sapraŭdy nie razumiejecie, to ab čym tady naohuł možna z vami havaryć).
Sankcyi pa kaliju byli abjaŭleny za parušeńnie "koniucham" asnoŭ demakratyi, razhon mirnych pratestaŭ u krainie i da vajny nie mieli nijakaha dačynieńnia.
Chopić užo tut ŭsim "dabrazyčliŭcam" pryščaplać nas da maskovii i jaje ahresii.