«Voś jašče taki siurpryz». Miadźviedzia zaŭvažyli za 25 kiłamietraŭ ad Minska
Biełaruska apublikavała ŭ Threads videa niečakanaj sustrečy. U kadry — miadźviedź, jaki pavodzić siabie spakojna i nie zaŭvažaje ludziej pobač. Aŭtarka kaža, što ŭsio adbyvajecca ŭsiaho za 25 kiłamietraŭ ad Minska, piša Onliner.by.
U kamientaryjach da dopisu Karyna ŭdakładniła, što łakacyja znachodzicca ŭ Miadzielskim napramku, pamiž vioskami Sady i Černiki. «Ja, kaniešnie, chacieła ŭbačyć miadźviedzia na voli, ale dzieści ŭ 200 kiłamietrach ad učastka, a nie ŭ 500 mietrach», — napisała minčanka.
Dziaŭčyna raskazała, što videa ź miadźviedziem joj dasłała susiedka pa chutary ŭ paniadziełak. Za kadram čuvać, jak žančyna aklikaje miadźviedzia, kab toj padniaŭ hałavu — u pieršyja siekundy žyviołu lohka pierabłytać ź dzikom. Rolik zdymaŭsia z mašyny.
— Kali my kuplali ŭčastak, nam kazali, što pobač palaŭničyja ŭhodździ i što kožny hod u hetym rajonie bačać miadźviedziaŭ. Letaś, naprykład, zaŭvažyli ŭ Łysovičach — heta prykładna za 15 kiłamietraŭ ad nas. Ale na hety raz — zanadta blizka, my krychu šakavanyja. Spadziajusia, što miadźviedzi pałachlivyja, hałoŭnaje — kab nie šalonyja. Pakul nie strašna, hałoŭnaje — nie vypuskać našaha sabaku, kab nie ŭciok i ničoha nie zdaryłasia. My taksama adpravili videa inšaj susiedcy — u jaje maleńkija dzieci i haspadarka, vyrašyli papiaredzić i jaje.
Darečy, niadaŭna na svaim učastku Karyna zaŭvažyła ślady, padobnyja da vaŭčynych. A voś da haściej nakštałt kazul, aleniaŭ i łasioŭ, zapeŭnivaje dziaŭčyna, jany ŭžo pryzvyčailisia.
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary