«Usiaredzinie absalutna hniłyja». Biełarusy niezadavolenyja jakaściu ekzatyčnaj sadaviny z Vjetnama ŭ kramach
Niadaŭna ŭ biełaruskija kramy pryvieźli zamorskaha hościa — śmiatanny jabłyk, papularny ŭ Vjetnamie i krainach Paŭdniovaj Amieryki. Adnak ekzatyčnaść paradavała daloka nie ŭsich. U Threads biełarusy pačali skardzicca, što płady čaściej za ŭsio akazvajucca hniłymi, navat kali źniešnie takimi nie vyhladajuć, zaŭvažyła vydańnie Blizko.by.
Žycharka Minska Maryja nabyła sadavinu i padzialiłasia ŭražańniami:
«Ubačyli ŭpieršyniu i vyrašyli pasprabavać. U vyniku atrymali hniliznu. Voś tak i kuplaj ekzatyčnuju sadavinu ŭ Biełarusi», — rasčaravana napisała dziaŭčyna.
Akramia niepryvabnaha źniešniaha vyhladu, pavodle słoŭ Maryi, paciarpieŭ i smak: zamiest sałodkaha prysmaku sadavina akazałasia vadzianistaj i presnaj.
U kamientarach znajšłasia i inšaja rasčaravanaja amatarka ekzotyki:
«My kuplali zialony płod, ale heta nas nie vyratavała ad taho, što jon byŭ hniłym. Addali nazad, kupili bolš ćviordy, kab doma daśpieŭ biez upakoŭki. U vyniku druhi taksama akazaŭsia hniłym», — raskazała karystalnica Nastaśsia.
Inšyja karystalniki davali parady pa vybary śviežaha śmiatannaha jabłyka.
Zdarovy płod pavinien być ź jarka-zialonaj łupinaj i miakki navobmacak. Akramia taho, sadavina vielmi chutka psujecca, navat u nierazrezanym vyhladzie, tamu jaje nieabchodna źjeści jak maha chutčej. Ale z ulikam doŭhaj darohi z Vjetnama da Biełarusi na takuju sadavinu ŭ kramie ŭsio ž lepš nie zahladacca.
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary