Orden Biełaha Arła, jaki zabrali ŭ Zialenskaha, viarnuŭsia ŭ Polšču. Što ź im budzie ciapier?
Najvyšejšaja dziaržaŭnaja ŭznaharoda Polščy — orden Biełaha Arła, jakuju polski prezident Karal Naŭrocki pastanaviŭ zabrać u prezidenta Ukrainy Uładzimira Zialenskaha, aficyjna viarnułasia ŭ Varšavu.
U paniadziełak, 22 červienia, pradstaŭniki kancylaryi pryniali adpraŭleńnie. Ukrainski bok adpraviŭ orden poštaj.
Jak raspavioŭ pres-sakratar kiraŭnika polskaj dziaržavy Rafał Laskievič, orden razam z anulavanym paśviedčańniem budzie nakiravany na dziaržaŭnaje zachavańnie ŭ Biuro ordenaŭ i naminacyj.
Laskievič padkreśliŭ, što hety kankretny ekzemplar bolš nikomu i nikoli nie budzie prysvojeny.
Laskievič vykazaŭ mierkavańnie, što hetaha kryzisu možna było paźbiehnuć. Kijeŭ dvojčy sprabavaŭ vyjści na suviaź dla arhanizacyi telefonnaj razmovy z polskim bokam, adnak u vyniku sam ža admianiŭ zvanok: «Prezident Zialenski prosta nie zachacieŭ razmaŭlać z prezidentam Karalem Naŭrockim».
Śpikier vykazaŭ mierkavańnie, što pazbaŭleńnie Zialenskaha najvyšejšaj polskaj uznaharody nie pryviadzie da bolšaha paharšeńnia stasunkaŭ pamiž krainami.
«Prezident Karal Naŭrocki vyrazna skazaŭ u svajoj zajavie, apublikavanaj kancylaryjaj prezidenta ŭ piatnicu, što pazbaŭleńnie ordena Biełaha Arła nie nakiravanaje suprać ukraincaŭ, što voraham Ukrainy, usioj svabodnaj Jeŭropy i volnaha śvietu źjaŭlajecca Rasija», — skazaŭ jon.
Rašeńnie Naŭrockaha ab pazbaŭleńni Zialenskaha ordena Biełaha arła stała reakcyjaj Varšavy na toje, što ŭkrainski prezident prysvoiŭ adnamu z vajskovych padraździaleńniaŭ imia «hierojaŭ UPA». Polski bok nazvaŭ heta nieprymalnym krokam.
Praz salidarnaść ad najvyšejšaj polskaj uznaharody admovilisia try byłyja prezidenty Ukrainy — Leanid Kučma, Viktar Juščanka i Piatro Parašenka.
Kučma i Juščanka taksama admovilisia ad polskich ordenaŭ
Piatro Parašenka taksama viarnuŭ Polščy orden Biełaha Arła
Pasoł Ukrainy ŭ Polščy taksama admoviŭsia ad svajoj uznaharody
Budanaŭ admoviŭsia ad Załatoha aficerskaha kryža ordena «Za zasłuhi pierad Polščaj»
Prezident Polščy pazbaviŭ Zialenskaha Ordena Biełaha Arła — najvyšejšaj dziaržaŭnaj uznaharody krainy
Kamientary
Vicie-śpikier sienata Polši Michał Kamińskij priniał riešienije viernuť dvie ukrainskije nahrady. Ob etom politik soobŝił v piśmie na imia posła Ukrainy v Polšie Vasilija Bodnara."
https://eadaily.com/ru/news/2026/06/23/v-polshe-nabiraet-oboroty-kampaniya-po-vozvrashcheniyu-ukrainskih-nagrad
uvohule sytuacyja dziŭnavataja. Nie Naŭrocki davaŭ hetuju ŭznaharodu. A kali kožny novy prezydent budzie to davać to zabirać uznaharodu. Chacia j sama ŭznaharoda, biezumoŭna... uznaharodžvali joj Piatra Šalonaha, kaćku 2 niemku pra...tku, Musalini i Chorty))