Jon paraŭnaŭ siońniašnija padziei z padziejami 1941 hoda.
Uładzimir Pucin zajaviŭ, što USU bjuć pa Rasii kab «raskačać hramadstva», adkryty list Zialenskaha stvaraje «kanfliktny patencyjał», a krainy NATA «rychtujucca da vajny». Pra heta prezident Rasii zajaviŭ na sustrečy z vypusknikami vajskovych VNU ŭ Kramli, paviedamlaje «Dožd́».
Na jaho dumku, ukrainskaja armija nibyta naŭmysna nanosić udary bieśpiłotnikami pa cyvilnaj infrastruktury, kab «raskačać hramadstva» i «stvaryć niejkuju niaŭpeŭnienaść u dziejańniach» rasijskaj armii.
Adkryty list prezidenta Ukrainy Uładzimira Zialenskaha, u jakim toj prapanavaŭ sustreču, na dumku Pucina, «nie stvaraje pieradumoŭ dla mirnych pieramoŭ», a «farmiruje kanfliktny patencyjał».
Pucin taksama abvinavaciŭ «iłžedemakratyčny Zachad» u razmovach pra padrychtoŭku da vajny z Rasijaj i narastańni vajennych biudžetaŭ. Pavodle jaho słoŭ, zachodnija krainy nibyta «stvarajuć pahrozy» i pravakujuć Rasiju, paśla čaho abvinavačvajuć jaje «va ŭsich śmiarotnych hrachach».
Pucin paraŭnaŭ heta z padziejami 1941 hoda: «Navat paśla vierałomnaha napadu na Saviecki Sajuz 22 červienia 1941 hoda, mienavita vierałomnaha napadu, Zachad, hitleraŭskaja Hiermanija, sprabavali abvinavacić SSSR i Stalina ŭ ahresii suprać, jak my siońnia havorym, kalektyŭnaha Zachadu».
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary