Žychary homielskaha doma, paciarpiełaha ad vybuchu hazu, atrymali klučy ad adnoŭlenych kvater
Žychary padjezda doma na vulicy Kosarava ŭ Homieli, jaki paciarpieŭ ad vybuchu hazu ŭ śniežni 2025 hoda, atrymali klučy ad svaich adnoŭlenych kvater i zmahli viarnucca dadomu, paviedamlaje BiełTA.
Klučy ŭładalnikam kvater uručyŭ kiraŭnik administracyi Savieckaha rajona Homiela Siarhiej Andrejeŭ. Žychary padziakavali ŭładam i śpiecyjalistam za dapamohu i padtrymku padčas adnaŭlenčych rabot.
Da hetaha času ŭ domie całkam adnavili vodazabieśpiačeńnie, hazazabieśpiačeńnie i elektrazabieśpiačeńnie, praviali techničnuju pravierku ŭsich inžyniernych sistem i prybrali terytoryju.
Nadzvyčajnaje zdareńnie adbyłosia 17 śniežnia 2025 hoda. U vyniku ŭspyški haza-pavietranaj sumiesi ŭ dziesiacipaviarchovym domie byli paškodžanyja i častkova abrynulisia pierakryćci pamiž šostym i vośmym pavierchami, a taksama paciarpieła vonkavaja ściana budynka.
Padčas adnaŭleńnia budaŭniki demantavali paškodžanyja kanstrukcyi, vyrabili nieabchodnyja elemienty dla ramontu, zmantavali novyja paneli i vykanali inšyja budaŭničyja raboty. Paśla zaviaršeńnia ramontu žychary znoŭ mohuć karystacca svaimi kvaterami.
Byccam ničoha i nie było. Jak ciapier vyhladaje homielski šmatpaviarchovik, u jakim adbyŭsia vybuch
Nazvana pryčyna vybuchu ŭ homielskim šmatpaviarchoviku
«Vybiahała z padjezda ŭ pižamie i z hadavałaj małoj u pledzie». Paciarpiełaja padčas vybuchu ŭ homielskim domie raskazała, jak heta było
«Taki strašenny huk byŭ, ja ažno padskočyła». Što zaraz adbyvajecca ŭ Homieli, dzie byŭ razburany padjezd
Čamu ŭłady maŭčać pra pryčyny razbureńnia doma ŭ Homieli i jakija jość viersii
Kamientary