Жыхары гомельскага дома, пацярпелага ад выбуху газу, атрымалі ключы ад адноўленых кватэр
Жыхары пад'езда дома на вуліцы Косарава ў Гомелі, які пацярпеў ад выбуху газу ў снежні 2025 года, атрымалі ключы ад сваіх адноўленых кватэр і змаглі вярнуцца дадому, паведамляе БелТА.
Ключы ўладальнікам кватэр уручыў кіраўнік адміністрацыі Савецкага раёна Гомеля Сяргей Андрэеў. Жыхары падзякавалі ўладам і спецыялістам за дапамогу і падтрымку падчас аднаўленчых работ.
Да гэтага часу ў доме цалкам аднавілі водазабеспячэнне, газазабеспячэнне і электразабеспячэнне, правялі тэхнічную праверку ўсіх інжынерных сістэм і прыбралі тэрыторыю.
Надзвычайнае здарэнне адбылося 17 снежня 2025 года. У выніку ўспышкі газа-паветранай сумесі ў дзесяціпавярховым доме былі пашкоджаныя і часткова абрынуліся перакрыцці паміж шостым і восьмым паверхамі, а таксама пацярпела вонкавая сцяна будынка.
Падчас аднаўлення будаўнікі дэмантавалі пашкоджаныя канструкцыі, вырабілі неабходныя элементы для рамонту, змантавалі новыя панэлі і выканалі іншыя будаўнічыя работы. Пасля завяршэння рамонту жыхары зноў могуць карыстацца сваімі кватэрамі.
Быццам нічога і не было. Як цяпер выглядае гомельскі шматпавярховік, у якім адбыўся выбух
Названа прычына выбуху ў гомельскім шматпавярховіку
«Выбягала з пад'езда ў піжаме і з гадавалай малой у пледзе». Пацярпелая падчас выбуху ў гомельскім доме расказала, як гэта было
«Такі страшэнны гук быў, я ажно падскочыла». Што зараз адбываецца ў Гомелі, дзе быў разбураны пад'езд
Чаму ўлады маўчаць пра прычыны разбурэння дома ў Гомелі і якія ёсць версіі
Каментары