U Bierlinie palicyja vyzvaliła žančynu, jakuju złačynca trymaŭ u zakładnikach u supiermarkiecie Rewe bolš za 11 hadzin. Ranicaj kala 9:20 supracoŭniki śpiecyjalnaha padraździaleńnia praviali šturm kramy, chutka zatrymali napadnika i vyzvalili zakładnicu, paviedamlaje Bild.
Padčas apieracyi bajcy śpiecpadraździaleńnia vykarystali elektrašokavuju pryładu, paśla čaho zmahli abiasškodzić złačyncu. Žančynu vyvieli ŭ biaśpiečnaje miesca pad achovaj palicyi. Pavodle pravaachoŭnikaŭ, jana pieražyła mocny stres i znachodzicca ŭ stanie šoku. Napadnik atrymaŭ niaznačnyja traŭmy, paśla čaho jaho vynieśli na nasiłkach.
Incydent adbyŭsia napiaredadni viečaram pierad zakryćciom supiermarkieta. Mužčyna byŭ apošnim kupcom. Adzin z rabotnikaŭ kramy raskazaŭ, što spačatku toj admoviŭsia vykładać tavar na kasavuju stužku, a zatym niečakana dastaŭ vialiki nož i zachapiŭ kasirku. Śviedku ŭdałosia ŭciačy, a jahonaja kaleha zastałasia razam sa złačyncam.
Paśla paviedamleńnia pra zachop zakładnicy palicyja ściahnuła da miesca zdareńnia śpiecpadraździaleńnie, kinałahičnuju słužbu i inšyja siły. Pieramoŭščyki na praciahu niekalkich hadzin sprabavali pierakanać uzbrojenaha mužčynu zdacca, ale biezvynikova.
U vyniku ranicaj kiraŭnik apieracyi pryniaŭ rašeńnie pravieści šturm. Apieracyja zaniała ŭsiaho niekalki siekundaŭ i zaviaršyłasia vyzvaleńniem zakładnicy i zatrymańniem napadnika.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY10
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary