U Biełarusi źmianiajucca praviły pryjomu i zaličeńnia ŭ licei i ŭniviersitety dla atrymańnia ahulnaj siaredniaj adukacyi.
Karekciroŭki ŭ pastanovu Ministerstva adukacyi ad 17 žniŭnia 2022 hoda apublikavany na Nacyjanalnym pravavym internet-partale. Dakumientam praduhledžana źmianieńnie paradku padačy zajavy pry pryjomie ŭ hetyja ŭstanovy adukacyi, piša BiełTA.
Zajavy dla pryjomu abo zaličeńnia ŭ 10‑ia kłasy licejaŭ i ŭniviersitetaŭ (dla zasvajeńnia adukacyjnaj prahramy ahulnaj siaredniaj adukacyi) ciapier nieabchodna padavać u pryjomnuju kamisiju liceja z 12 da 15 červienia hoda pryjomu.
Z 10 da 15 lipienia treba budzie padać dakumienty pry dadatkovym pryjomie ŭ 10‑y kłas. A z 12 červienia da 17 žniŭnia možna budzie pasprabavać pastupić u 11‑ia kłasy licejaŭ.
«Taksama źmienieny terminy zaličeńnia abituryjentaŭ u lik navučencaŭ 10‑ha kłasa: zahad ab zaličeńni vydajecca nie paźniej za 7 lipienia hoda pryjomu (zaličeńnia) — pry pryjomie (zaličeńni) u Licej BDU, i nie paźniej za 10 lipienia — u inšyja licei i ŭniviersitety», — paviedamili ŭ pres-słužbie Ministerstva adukacyi.
Akramia taho, u abnoŭlenych praviłach ciapier praduhledžana, što školniki, jakija nie byli pryniaty ŭ Licej BDU, mohuć padać dakumienty ŭ inšyja licei pry supadzieńni vučebnych prahram. Zrabić heta možna budzie z 5 da 8 lipienia hoda pryjomu.
Va ŭstanovach adukacyi, dzie na pavyšanym uzroŭni vyvučajecca pradmiet «Historyja Biełarusi ŭ kantekście suśvietnaj historyi», uvodzicca ŭstupny ekzamien pa historyi Biełarusi.
Pastanova ŭstupaje ŭ siłu z 1 vieraśnia.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary