Na płoščy Jakuba Kołasa ŭ Minsku pradajecca kvatera z prastornym adkrytym bałkonam i vidam na horad
U vaśmipaviarchovaj stalincy na płoščy Jakuba Kołasa, jakaja vychodzić na praśpiekt Niezaležnaści i vulicu Krasnuju, pradajecca kvatera z dyzajnierskim ramontam. Paśla pierapłaniroŭki tut pašyryli sanvuzieł, abjadnali kuchniu i haścioŭniu.
Razynkaj kvatery možna nazvać prastorny adkryty bałkon ź vidam na horad, piša Realt.by.
Niezvyčajnuju vaśmipaviarchovuju stalinku pabudavali ŭ 1958 hodzie na vulicy Krasnaj, 22 dla rabotnikaŭ zavoda «Udarnik». Ciapier na čaćviortym paviersie vystaŭlena na prodaž dvuchpakajovaja kvatera płoščaj 59,1 m². U joj była zroblena i ŭzakoniena pierapłaniroŭka. Paśla ramontu tut abstalavali kuchniu-haścinuju, adnu izalavanuju spalniu i prastorny sanvuzieł.
Ułaśniki stvaryli stylny interjer. Na padłozie vykładzieny niamiecki parkiet, a padakońniki, stalnica i kuchonny stoł vykanany z naturalnaha kamieniu. Usia korpusnaja mebla zroblena sa španavanaha MDF, a furnitura — ad brenda Blum.
Darečy, usia mebla i bytavaja technika, jakija bačnyja na fotazdymkach, zastanucca novym uładalnikam.
Na kuchni ŭstalavany H-padobny harnitur z ubudavanaj technikaj. Abiedziennaja zona raźmiaściłasia pamiž kuchniaj i haścinaj.
U abjadnanaj prastory šmat naturalnaha śviatła dziakujučy vialikamu panaramnamu aknu. Adsiul jość vychad na doŭhi adkryty bałkon ź vidam na praśpiekt. U asobnym pakoi znachodzicca paŭnavartasnaja spalnia ź miescami dla zachoŭvańnia rečaŭ.
Niahledziačy na toje, što sanvuzieł sumieščany, tut udałosia vizualna adździalić «mokruju» zonu ad prybiralni. Taksama tut raźmiaścilisia pralnaja i sušylnaja mašyny, ustalavany bojler.
U piarednim pakoi na padłozie vykładziena plitka, a taksama zrobleny šafy dla vopratki.
U piešaj dastupnaści ad doma znachodziacca dźvie stancyi mietro — «Płošča Jakuba Kołasa» i «Płošča Pieramohi». Pobač raźmieščany CUM, Kamaroŭka, kaviarni i park. Kvateru acanili na 690 tysiač rubloŭ (241 200 dalaraŭ).
Ciapier čytajuć
Łukašenka paraiŭ uźbiekam šukać vialikija hrošy ŭ Rasii4
Łukašenka paraiŭ uźbiekam šukać vialikija hrošy ŭ Rasii
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary