Dvum biełaruskim lehijanieram bałharskaha CSKA admovili ŭ brytanskich vizach
Bramnik Fiodar Łapavuchaŭ i paŭabaronca Maks Ebonh nie dapamohuć svajoj kamandzie ŭ matčy ŭ adkaz pieršaha kvalifikacyjnaha raŭnda Lihi Jeŭropy suprać paŭnočnairłandskaha «Dery Sici».
Futbalistaŭ niama ŭ aeraporcie Safii razam z kamandaj, jakaja rychtujecca da vyletu na Brytanskija astravy, piša football.by.
«CSKA paviedamlaje, što na hety momant našy futbalisty i hulcy zbornaj Biełarusi — Fiodar Łapavuchaŭ i Maks Ebonh — jašče nie atrymali ad brytanskich uładaŭ nieabchodnyja vizy dla pajezdki ŭ Paŭnočnuju Irłandyju.
CSKA svoječasova padaŭ usie nieabchodnyja dakumienty, adnak pytańnie dahetul nie vyrašana. Kłub prainfarmavaŭ pra situacyju ŭsie kampietentnyja bałharskija ŭstanovy, a taksama UEFA.
Kali abodva hulcy nie atrymajuć vizy svoječasova, jany nie zmohuć pryniać udzieł u matčy ŭ adkaz suprać «Dery Sici» ŭ pieršym kvalifikacyjnym raŭndzie Lihi Jeŭropy, jaki adbudziecca 16 lipienia», — havorycca ŭ zajavie CSKA.
U pieršym matčy bałharskaja kamanda pieramahła na svaim poli ź likam 3:2.
Kamientary