Vobšuk u daśledčyka represij Ihara Stankieviča byŭ źviazany ź inicyjatyva «Nacyja lidaraŭ»
Učora paviedamlałasia, što ŭ Ihara Stankieviča, viadomaha daśledčyka stalinskich represij na Aršanščynie, prajšoŭ pieratrus u jaho minskaj kvatery. Pieratrus pravodzili 5‑6 čałaviek, siarod jakich — supracoŭniki KDB.
U znajomych Stankieviča raspytvali pra inicyjatyvu «Nacyja lidaraŭ», jakaja ładzić anłajn-kursy pa roznych kirunkach — ad hramadskaha aktyvizmu da składańnia ŭłasnaha radavodu, piša «Viciebskaja viasna».
Paźniej Ihar Stankievič daviedaŭsia, što pieratrusy ŭ Minsku prajšli minimum u jašče troch čałaviek, pryčym supracoŭniki KDB pabyvali nie tolki ŭ ichnych kvaterach, ale i ŭ kvaterach ich svajakoŭ ci blizkich.
Ich cikaviła toje samaje: datyčnaść da inicyjatyvy «Nacyja lidaraŭ».
U kastryčniku 2024 hoda ŭ pieraliku «ekstremisckich farmavańniaŭ» na sajcie MUS źjaviłasia «ekstremisckaje farmavańnie «Orden». Tam zhadvalisia niekalki dvaravych čataŭ, ale ŭ jakaści internet-resursaŭ, praź jakija nibyta ažyćciaŭlajecca «ekstremisckaja dziejnaść», u adpaviednym rašeńni KDB byli zhadanyja sajt «Nacyja lidaraŭ», telehram-kanał i telehram-čat «Nacyja lidaraŭ, You-Tube-kanał «Nacyja lidaraŭ anłajn-chab», staronki «Nacyja lidaraŭ» u Instagram i Facebook.
Kamientary