Zvyčajny lift u adnym ź minskich damoŭ paradavaŭ ludziej. Pryčyna — biełaruskamoŭnaja ahučka pavierchaŭ.
«Štoooo, pasłuchajcie sami! Ja ŭpieršyniu sustreŭ ŭ Minsku. Biełaruskamoŭny lift. Vysotka kala Aeradromnaj. Ja navat niekalki razoŭ prajechaŭsia na im uvierch i ŭniz — nastolki niezvyčajna heta», —
emacyjna napisaŭ u Threads małady čałaviek pad nikam theuladzislau, jaki nazyvaje siabie «maładym i adzinokim zumieram ź Biełarusi», supravadziŭšy svaje słovy videa ź lifta.
Dopis sabraŭ kala tysiačy łajkaŭ i prykładna 19 tysiač prahladaŭ. Ale admietny jon nie tolki hetym: amal usie kamientary pad im napisanyja pa-biełarusku.
«Ničoha sabie. Jaki cud»,
«Niaŭžo? Kali tak,to heta ačmurenna»,
«Och by na kožnym paviersie spyniaŭsia b)»,
«Jak cikava! Kruta!» — nie chavali kamientatary zachapleńnia.
Asobnyja vykazali mierkavańnie, što «takaja ahučka pavinna stać bazavaj dla liftaŭ».
Niekatoryja pryznalisia, što chacieli b čuć rodnuju movu nie tolki ŭ hetym lifcie, a paŭsiul.
«Miod dla vušej) Voś by ŭsiudy ŭ našaj krainie hučała rodnaja mova!»
Znajšlisia i tyja, dla kaho hetaja drobiaź zrabiła rajon bolš simpatyčnym.
«Hety rajon ciapier mnie bolš padabajecca»,
«Voś taki Minsk-Śviet mnie padabajecca».
U kamientarach ludzi pačali dzialicca ŭłasnymi nazirańniami. Vyśvietliłasia, što biełaruskamoŭnyja lifty jość nie tolki ŭ Minsku.
«U haradzienskich novych paliklinikach takija lifty biełaruskamoŭnyja»,
«Hrodna, haścinica «Turyst», taksama biełaruskamoŭny lift»,
«U sanatoryi «Radon» usie lifty biełaruskamoŭnyja».
Siarod dziasiatkaŭ zachoplenych vodhukaŭ asabliva vyłučaŭsia adzin karotki kamientar. Jon nie krytykavaŭ samu ideju biełaruskamoŭnaha lifta, ale nahadvaŭ, što padobnaja radaść dla mnohich užo sama pa sabie vyhladaje simvaličnaj.
«Dažylisia… Radujemsia biełaruskaj movie ŭ Biełarusi».
-
Pachavać zakonna svajho chatniaha lubimca ŭ Biełarusi možna tolki ŭ žyviolny mohilnik. Parušeńnie zakonu vyhladaje bolš maralna prymalnym dla mnohich
-
Kaleśnikava: Vajna, jakuju pačała Rasija, nie prosta suprać Ukrainy. Heta vajna suprać jeŭrapiejskich kaštoŭnaściaŭ
-
Što ciapier ź italjanskimi vizami? Masavyja admovy? Turfirmy nazyvajuć alternatyvu
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Jakaja ž pryjemnaja, piavučaja i pryhožaja biełaruskaja mova!!!