Paetyčnaja sieryja «Brukavanka» papoŭniłasia zbornikam vieršaŭ Viktara Ślinki «Listavańnie». Heta čaćviortaja kniha paeta i pieršaje vybranaje, što padvodzić peŭnyja vyniki papiaredniamu tvorčamu etapu aŭtara, piša bellit.info.
«Listavańnie» — heta nie prosta vybranyja vieršy. Heta kniha, jakaja dazvalaje ŭbačyć jašče adnaho niedaacenienaha biełaruskaha paeta apošnich dziesiacihodździaŭ. Paeta, čyj aŭtarytet u litaraturnym asiarodździ značna pieravyšaje jaho viadomaść šyrokamu čytaču.
«…Viktar Ślinka vyhladaje, badaj, samym paśladoŭnym prychilnikam taho kirunku, jaki adkryŭ Aleś Razanaŭ. Najpierš heta datyčyć vierseta. Ale Ślinka nie kapijuje Razanava. Jon pieraniaŭ hałoŭnaje — razumieńnie svabodnaha vierša jak formy kancentravanaha myśleńnia. Tam, dzie Razanaŭ imkniecca da fiłasofskaj formuły, Ślinka pakidaje bolš miesca dla liryčnaj intanacyi i čałaviečaha pačućcia», — havorycca ŭ recenzii na knihu.
Paźbiahaju ludziej.
Paźbiahaju hutarak, cikaŭnych pozirkaŭ.
Paźbiahaju šumnych viečaryn.
Paźbiahaju adzinoty.
Idu pa vulicy, mianiaju kirunak, idu
razam ź ludźmi i asobna ad
ludziej i raptam spyniajusia.
Išoŭ doždž — jak raz toj, jaki
stukaŭsia ŭ majo vakno i jakomu ja
nie adčyniŭ, — išoŭ doždž i
pakinuŭ łužyny.
Ja pahladzieŭ u vadu.
Chto heta?
Ja tak doŭha paźbiahaŭ ź im sustrečy…
Viktar Ślinka (Ślinko) naradziŭsia 4 červienia 1972 hodu ŭ v. Koziki Ivacevickaha rajona. Vieršy piša ź piatnaccaci hadoŭ. Drukujecca ŭ biełaruskich hazietach i časopisach. Łaŭreat litaraturnaj premii Tavarystva volnych litarataraŭ «Hliniany Viales» za knihu «Štolni viasny», premii časopisa «Dziejasłoŭ» i «Załaty apostraf» za najlepšuju paetyčnuju publikacyju 2005 hodu.
Aŭtar knih paezii «Apošni śnieh» (1995), «Štolni viasny»(2001), «Arachna» (2011), «Listavańnie» (2026).
Raniej u vydavieckaja inicyjatyva «Połackaje lada» vypuściła ŭ knižnaj sieryi «Brukavanka» knihi Juryja Humieniuka, Siarhieja Pataranskaha i Janki Łajkova.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary