U kiraŭnički ivianieckaha adździeła niezaležnaha SPB prajšoŭ pieratrus.
28 červienia ŭ chacie aktyvistki niepryznanaha Sajuza palakaŭ na Biełarusi Taresy Sobal u Iviancy prajšoŭ pieratrus u ramkach kryminalnaj spravy pa abvinavačvańni ŭ złoŭžyvańniach.
Kryminalnaja sprava była prypyniena, ale praz dva dni paśla adstaŭki Anžaliki Borys kryminalnuju spravu adnavili.
Pieratrus prachodziŭ z sankcyi prakurora. Kiravaŭ im śledčy Vałožynskaha RAUS Alaksandr Šulha. Taresie Sobal paviedamili, što meta pieratrusu — znajści kampjuternuju techniku, z dapamohaj jakoj jana nibyta padrablała dakumienty. «Polski dom u nas zabrali, zaraz sprabujuć psichałahična złamać. Jany buduć pracavać tak, jak im skažuć.
Skazali, što majuć sankcyju prakurora, buduć šukać niejkuju techniku. Viadoma, što ničoha takoha ŭ mianie doma niama. Pryviali paniatych svaich i pajšli nazad. Heta atkaja psichaataka na mianie. Zapałochać chočuć»,— rasaviała «NN» spadarynia Sobal.
Advakat spadaryni Sobal, Alaksandr Halijeŭ, adznačyŭ, što pieratrus nasamreč byŭ sankcyjanavany prakuraturaj. «Śledčyja vykonvali rasparadžeńnie prakurora. Šukali arhtechniku. Byŭ i dopyt pierad pieratrusam. Na im nam prapanavali zakryć kryminalnuju spravu praz sychod terminu daŭnaści. My nie pahadžajemsia z takoj farmuloŭkaj i ličym, što T.Sobal nie ździajśniała nijakich pravaparušeńniaŭ», — adznačyŭ advakat u razmovie z karespandentam «NN».
18 śniežnia 2009 hoda ŭ dačynieńni da T.Sobal była zaviedzienaja kryminalnaja sprava. Jana abvinavačvajecca ŭ złoŭžyvańniach paśla atrymańnia ŭ 2004 hodździe materyjalnaj dapamohi ad kiraŭnictva SPB, jašče da taho jak heta abjadnańnie raskałołasia na dźvie struktury — pryznanuju biełaruskimi ŭładami i nieaficyjnuju. Paśla zaviadzieńnia kryminalnaj spravy hałoŭnaja rada aficyjnaha Sajuza palakaŭ vyklučyła Sobal z abjadnańnia i pryznačyŭ pieravybary kiraŭnictva ivianieckaj arhanizacyi SPB.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary