«Ryzykavać samalotam nie chaciełasia». Čamu biełarusy płaciać amal 200 jeŭra za vybar daty pierasiačeńnia miažy
Dźmitryju treba było trapić u Varšavu biez zatrymak — adtul u jaho byŭ samalot u Izrail. Ale pajezdka prypała na dni, kali čerhi na miažy z Polščaj pačali raści. Ryzykavać vyletam mužčyna nie chacieŭ: zaviśnieš na miažy na niekalki hadzin — płany mohuć sarvacca. U vyniku Dźmitryj zapłaciŭ amal 200 jeŭra za mahčymaść zahadzia zabraniravać datu vyjezdu. Svajoj historyjaj jon padzialiŭsia z vydańniem Most, a jaho žurnalisty vyvučyli, jak pracuje sistema braniravańnia, kolki aŭtamabilaŭ mohuć skarystacca joj i što pra hetuju pasłuhu kažuć biełarusy.
Spačatku Dźmitryj i jaho žonka dumali jechać bieź śpiecyjalnaj broni. Zarehistravalisia ŭ elektronnaj čarzie i stali manitoryć situacyju na miažy. Ale, prykinuŭšy pryblizny čas vykliku ŭ zonu čakańnia, biełarusy zrazumieli, što ŭ aeraport pryjeduć amal uprytyk. Źjaviłasia dumka pajechać na aŭtobusie, ale tam situacyja była jašče horšaj, uzhadvaje Dźmitryj.
«Ryzykavać samalotam nie chaciełasia, tamu my admianili zvyčajnuju broń i abrali peŭnuju datu braniravańnia. Na nastupnuju ranicu ŭžo byli na miažy».
Pavodle słoŭ mužčyny, z zony čakańnia jaho vyklikali praktyčna adrazu. Ad ujezdu ŭ zonu čakańnia da pašpartnaha kantrolu prajšło kala paŭhadziny, a ŭsio pierasiačeńnie miažy zaniało kala dźviuch hadzin.
«Dalej čarhu ja prachodziŭ užo ŭ ahulnym paradku», — kaža Dźmitryj.
Kolkaść słotaŭ, jakija možna zabraniravać, abmiežavanaja. Mužčyna kaža, što im z žonkaj pašancavała: krychu paźniej pa takoj ža sistemie chacieli pajechać i jaho pryjacieli, ale słotaŭ na abrany dzień užo nie było.
«Jakraz u hety čas byli vielizarnyja čerhi. Dumaju, što mnohija, chto jechaŭ u adpačynak, pačali karystacca hetaj pasłuhaj».
Amal u 31 raz daražej za zvyčajnuju rehistracyju
Mahčymaść zahadzia abrać datu ŭjezdu ŭ punkt propusku źjaviłasia z 1 studzienia 2026 hoda. Skarystacca z pasłuhi mohuć fizičnyja asoby na lehkavych aŭtamabilach. Dla matacykłaŭ jana nie praduhledžanaja, jak i dla mašyn, jakija vykarystoŭvajucca dla mižnarodnaj pieravozki pasažyraŭ.
Zabraniravać datu možna anłajn praz asabisty kabiniet na sajcie «Biełtmytservisu», u raździele «Anłajn-braniravańnie». Kiroŭca paznačaje danyja aŭtamabila, abiraje dastupnuju datu i apłačvaje rehistracyju — 15,5 bazavaj vieličyni, abo 697,5 biełaruskaha rubla.
Zabraniravać datu mohuć nie ŭsie achvotnyja. Kolkaść takich słotaŭ zaležyć ad kankretnaha punkta propusku i jaho prapusknoj zdolnaści. Miarkujučy pa paviedamleńniach udzielnikaŭ pryhraničnych čataŭ, u siarednim heta 20—24 aŭtamabili za sutki.
Dla paraŭnańnia: zvyčajnaja rehistracyja lehkavoha aŭtamabila ŭ elektronnaj čarzie kaštuje 0,5 bazavaj vieličyni — 22,5 rubla. Atrymlivajecca, braniravańnie abychodzicca kiroŭcu amal u 31 raz daražej za zvyčajnuju rehistracyju.
Zabraniravanaja data dziejničaje na praciahu sutak — z 00:00 da 23:59. U pryznačany dzień aŭtamabil pavinien prybyć u zonu čakańnia. Tam praviarajuć danyja mašyny, paśla čaho aŭtamabil vyklikajuć u punkt propusku, dzie jon prachodzić standartnyja pracedury — pašpartny kantrol, nadhlad i mytnaje afarmleńnie. Kolki času jany zojmuć, zaležyć užo ad zahružanaści punkta propusku.
Pamianiać datu va ŭžo zabraniravanaj rehistracyi nielha. Kali płany źmianilisia, rehistracyju pryjdziecca admianić i aformić novuju. Hrošy za admienienuju rehistracyju nie viartajucca i nie pieranosiacca na novuju. U adnaho aŭtamabila adnačasova moža być tolki adna dziejnaja rehistracyja. Źmianić rehistracyjny numar va ŭžo aformlenaj rehistracyi taksama nielha.
«Kab daić inšaziemcaŭ i ruskich»
Miarkujučy pa paviedamleńniach udzielnikaŭ pryhraničnaha čata HranicaBY Biełaruś—ES, svabodnyja daty mohuć chutka zakančvacca, asabliva kali na miažy rastuć čerhi. Tamu kiroŭca nie zaŭsiody moža abrać mienavita toj dzień, jaki jamu patrebny. Naprykład, takaja situacyja ŭźnikała ŭ niekatoryja dni žniŭnia.
«U apošnija dni było popytu na pryjarytet bolš za prapanovu. I jaho nielha było zabraniravać», — piša karystalnica Kaciaryna.
Chacia ŭ samym pačatku, miarkujučy pa ŭsim, niekatoryja biełarusy pastavilisia da takoj opcyi skieptyčna. Karystalniki pisali, što košt pasłuhi zanadta vysoki.
«Heta kab daić inšaziemcaŭ i ruskich, jakija jeduć u Jeŭropu», — pisaŭ adzin z udzielnikaŭ čata.
U adkaz na padobnyja paviedamleńni ludzi ŭzhadvali vypadki, kali žyvuju čarhu zajmali biełarusy, a potym pradavali svajo miesca.
«Kali ŭ Breście byŭ durdom z čerhami, to ludzi pa 200 jeŭra čarhu kuplali i nie płakalisia. A ciapier tyja ž hrošy — tolki aficyjna, u biudžet».
Polskaja avijakampanija LOT patłumačyła zalot svajho samalota ŭ Biełaruś
Na miažy źmianiajucca praviły elektronnaj čarhi dla aŭtamabilaŭ
Kazachstan vvodit płatnyje razriešienija na vjezd v stranu. Biełorusov tožie kasajetsia
Hałoŭny pamiežnik Łatvii: Tuneli na miažy dakładna kapali ź viedama biełaruskich słužbaŭ
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary