2 vieraśnia raptoŭna pamior historyk, viadučy navukovy supracoŭnik Akademii kiravańnia pry prezidencie i były šmathadovy vučony sakratar Instytuta historyi Nacyjanalnaj akademii navuk Biełarusi Andrej Sałaŭjanaŭ. Jamu było ŭsiaho 45 hadoŭ.
Andrej Sałaŭjanaŭ naradziŭsia 28 listapada 1980 hoda ŭ Viciebsku. U 2003‑m skončyŭ histaryčny fakultet Viciebskaha dziaržaŭnaha ŭniviersiteta imia P. M. Mašerava. U 2003‑2006 hadach vučyŭsia ŭ vočnaj aśpirantury BDU pa śpiecyjalnaści «ajčynnaja historyja».
Paśla zakančeńnia aśpirantury ŭ 2007‑m pryjšoŭ na pracu ŭ Instytut historyi NANB — na pasadu spačatku małodšaha navukovaha, a paśla navukovaha supracoŭnika. Z 2012 pa 2022 hady byŭ vučonym sakratarom hetaj ustanovy. U 2011—2015 hadach uznačalvaŭ Radu maładych vučonych instytuta.
Z 2007 pa 2012 hady taksama pracavaŭ pa sumiaščalnictvie vykładčykam kafiedry fiłasofii i palitałohii ŭ Biełaruskim dziaržaŭnym miedycynskim univiersitecie.
U 2022 hodzie pierajšoŭ na pracu ŭ Akademiju kiravańnia pry prezidencie, rektaram jakoj tady byŭ były dyrektar Instututa historyi NANB Viačasłaŭ Daniłovič. Zajmaŭ tam pasadu spačatku staršaha, a paśla viadučaha navukovaha supracoŭnika Navukova-daśledčaha instytuta teoryi i praktyki dziaržaŭnaha kiravańnia.
Navukovaja dziejnaść była źviazana z historyjaj BSSR 1920‑ch hadoŭ. Daśledavaŭ taksama pytańni narodnaj adukacyi i sacyjalnaj palityki Respubliki Biełaruś u 1991—2010 hady.
U 2008 hodzie abaraniŭ dysiertacyju «Sacyjalnaja abarona padrastajučaha pakaleńnia ŭ BSSR ( 1921‑-1930 hh.)», na jaje asnovie ŭ 2013‑m vydaŭ knihu «Sacyjalnaja abarona niepaŭnaletnich u BSSR ( 1921‑-1930 hh.)». Byŭ aŭtaram bolš jak 100 navukovych rabot.
Ciapier čytajuć
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary
"Andriej Sołov́janov vypustił boleje 100 naučnych rabot. On takžie stał odnim iz šiesti avtorov učiebnika po istorii Biełarusi dla 11-ho kłassa dla škoł s RUSSKIM jazykom obučienija. V odnom iz razdiełov knihi, pośviaŝiennom kołłaborantam (ludiam, sotrudničavšim s niemieckoj okkupacionnoj administracijej), akcient był sdiełan na ispolzovanii nacionalnoj simvoliki i łozunha «Žyvie Biełaruś!».
«Učiebnyj prociess v škołach imieł prohiermanskuju napravlennosť. V každom kłaśsie vyviešivałsia portriet Hitlera, ukrašiennyj s dvuch storon bieło-krasno-biełymi lentami. Obiazatielnym privietstvijem byli słova „Žyvie Biełaruś“ (kak anałoh privietstvija „Chajl Hitler“ dla miestnych žitielej»).