Z pačatku hoda ŭ imihracyjnyja turmy ZŠA byli źmieščanyja 89 biełarusaŭ
Najbolš zatrymańniaŭ było ŭ lipieni — 23.
Z pačatku 2026 hoda pa žnivień u ZŠA byli zatrymanyja i źmieščanyja ŭ imihracyjnyja turmy jak minimum 89 biełarusaŭ, paviedamlaje vałanciorskaja pravaabarončaja inicyjatyva ByAction.
Bolšaść zatrymanych nie mieli nijakich parušeńniaŭ i znachodzilisia ŭ zvyčajnym imihracyjnym pracesie.
Tolki 6 čałaviek, abo kala 7% ad ahulnaj kolkaści zatrymanych, byli adniesienyja da katehoryi Convicted Criminal (asudžanyja za złačynstvy) Pry hetym va ŭsich šaści vypadkach havorka išła pra złačynstvy, nie źviazanyja z hvałtam. Troje z hetych šaści čałaviek na momant zatrymańnia ŭžo mieli kančatkovy zahad ab departacyi.
73% zatrymanych składajuć mužčyny, 15% — žančyny. Najbolš zatrymańniaŭ było ŭ lipieni — 23, studzieni — 15 i sakaviku — 13.
Na Fłarydu, Piensilvaniju i Ńju-Džersi prypadaje 45% usich zatrymańniaŭ (imavierna tam fiksujecca najbolšaja biełaruskaja prysutnaść — NN).
Taksama inicyjatyvie dakładna viadoma pra 16 čałaviek, jakija byli vyzvalenyja pad zakład u 2026 hodzie.
Siaredniaja suma zakładu skłała $11 500, najbolšaja — $40 000, a najmienšaja — $4 500.
Siarod biełarusaŭ, zatrymanych u 2026 hodzie, 3 čałavieki ŭžo byli departavanyja ŭ Biełaruś, jašče troje pahadzilisia na dobraachvotny vyjezd (Voluntary Departure).
Usiaho siarod biełarusaŭ, zatrymanych u 2025 i 2026 hadach, 12 čałaviek užo majuć kančatkovy zahad ab departacyi i ciapier čakajuć jaho vykanańnia.
Zaraz u imihracyjnych turmach znachodziacca kala 60 biełarusaŭ.
Kamientary
Rańšie pisali ruka Moskvy, siejčas ruka Minska