«I prychodziŭ, i parason nad joj trymaŭ, i abdymaŭ, i całavaŭ». Maci zabitaj Taćciany Marciščanki raskazała pra jaje adnosiny z baćkam dziciaci
Taćciana Marciščanka — 43‑hadovaja ciažarnaja žančyna, zabojstva jakoj uskałychnuła Biełaruś, lubiła svajho kachanka i była ź im ščaślivaja. Pra heta ŭ efiry prahramy «Tryvožnaja knopka» na ANT raskazała maci žančyny Śviatłana, piša «Anłajnier».
Taćciana Marciščanka źnikła 8 vieraśnia. 11 vieraśnia jaje znajšli zabitaj. Pa padazreńni ŭ złačynstvie byŭ zatrymany 38‑hadovy były chakieist i arbitr Alaksiej Haŭrylonak, ad jakoha žančyna čakała dzicia. Taćciana była na šostym miesiacy ciažarnaści, jana vynošvała chłopčyka.
Pavodle słoŭ maci Taćciany, apošni raz jana razmaŭlała z dačkoj 7 vieraśnia ŭ 16:49. Užo ŭviečary Taćciana pierastała adkazvać na paviedamleńni. Jaje dačka, jakaja vučycca ŭ Maskvie, nie zmahła źviazacca z maci i ekstranna prylecieła ŭ Minsk. Unačy jana pryjechała ŭ kvateru, ale Taćciany tam nie akazałasia. Na nastupny dzień svajaki źviarnulisia ŭ milicyju.
Ranicaj 10 vieraśnia, u 06:58, maci Taćciany patelefanavała ŭ pošukava-vyratavalny atrad «Anioł». Pradstaŭnik atrada raspavioŭ, što abstaviny źniknieńnia adrazu padalisia pošukavikam nietypovymi. Jany źviazalisia z supracoŭnikami kryminalnaha vyšuku, jakija da taho momantu ŭžo pracavali pa zajavie, a sami dapamahli raspaŭsiudzić aryjenciroŭku i šukali mahčymych śviedak.
Maci Taćciany taksama padrabiaźniej raskazała pra adnosiny dački z zatrymanym. Pavodle jaje słoŭ, jany byli razam kala dvuch hadoŭ, Taćciana lubiła mužčynu i była ź im ščaślivaja. Ciažarnaść, śćviardžaje žančyna, była žadanaj dla abodvuch.
Kali para paviedamlała navinu baćkam, mužčyna sam prapanavaŭ pakazać zdymak UHD: «Voś, budziem baćkami». Paźniej budučyja baćki ŭładkavali hiender-paci — jany čakali syna.
U prahramie pakazali i frahmient z padazravanym. Na pytańnie pra toje, što jon adčuvaŭ paśla taho, jak zakapaŭ cieła, mužčyna adkazaŭ, što nijakich emocyj u jaho paśla hetaha nie było.
Maci Taćciany kaža, što da apošniaha nie mahła pavieryć u jaho dačynieńnie da zabojstva. Pavodle jaje słoŭ, raniej jana bačyła zusim inšaje staŭleńnie da dački:
«I prychodziŭ, i parason nad joj trymaŭ, i abdymaŭ, i całavaŭ».
Cieła žančyny ŭ morhu, jak raskazali ŭ prahramie, bačyła tolki jaje dačka Złata. Paśla hetaha dziaŭčyna vyrašyła, što trunu adčyniać nie buduć.
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram
«Taniečka była vielmi piaščotnaj i łaskavaj». U Minsku raźvitalisia z žorstka zabitaj žančynaj
«Spadziajusia na cud, mahčyma, pamyłka». Baćka chakiejnaha sudździ pra syna, jakoha padazrajuć u zabojstvie ciažarnaj žančyny
Što viadoma pra chakiejnaha sudździu, zatrymanaha pa padazreńni ŭ zabojstvie ciažarnaj minčanki
Staŭ viadomy trahičny los źnikłaj ciažarnaj žančyny ŭ Minsku. Jaje zabiŭ baćka budučaha dziciaci
Ciapier čytajuć
Toj samy masažyst raskazaŭ, navošta zdymaŭ hołych klijentak22
Kamientary
Žančyna była ciažarnaja, ale ž ad zabojcy, ci nie, dakładna nie viadoma. Jana dva hady była jaho kachankaj, ale ž moh być i jašče chtości, da kaho ( sa słoŭ zabojcy ) jana pahražała moža syści. Test DNK usio b pastaviŭ pa svaich miescach.
Płahiat kakoj-to s kłaśsiki:
"Ja podošioł, ja rieċ zavioł, ja obnimał, ja ciełovał
Ja chatu śniał, čtob było vsio ništiak"