«Spadziajusia na cud, mahčyma, pamyłka». Baćka chakiejnaha sudździ pra syna, jakoha padazrajuć u zabojstvie ciažarnaj žančyny
«Alaksiej zatrymany, abvinavačvańni pakul nie vystaŭlenyja, viadziecca śledstva», — paćvierdziŭ Alaksandr Haŭrylonak.
Eks-hałkipier zbornaj Biełarusi pa chakiei Alaksandr Haŭrylonak paćvierdziŭ Betting.team, što jahony syn, chakiejny sudździa Alaksiej Haŭrylonak, zatrymany pavodle padazreńnia ŭ zabojstvie 43‑hadovaj Taćciany Marciščanka.
«Ja pakul viedaju nie bolš za vašaha, znachodžusia nie ŭ Minsku, čytaju naviny ŭ internecie. Tak, Alaksiej zatrymany, abvinavačvańni pakul nie vystaŭlenyja, viadziecca śledstva. Spadziajusia na niejki cud, mahčyma, pamyłka ci niešta jašče… jak siabie možna adčuvać siabie ŭ takoj situacyi? Zrazumiejcie sami — vielmi drenna», — skazaŭ Alaksandr Haŭrylonak.
Pra zabojstva žančyny stała viadoma 11 vieraśnia — jaje šukali z 8 vieraśnia. Paviedamleńnie ab źniknieńni ŭ milicyju pastupiła ad dački Marciščanka. Na praciahu sutak padazravanaha ŭstanavili i zatrymali, pa fakcie zabojstva zaviedzienaja kryminalnaja sprava.
Pa danych śledstva, padazravany pryznaŭsia, što znachodziŭsia z zahinułaj u blizkich adnosinach i viedaŭ pra jaje ciažarnaść ad jaho — pry hetym aficyjna byŭ u inšych adnosinach, z-za čaho pamiž im i zahinułaj rehularna ŭźnikali kanflikty. Śćviardžajecca, što padčas čarhovaj svarki jon niekalki razoŭ udaryŭ žančynu nažom, pakłaŭ cieła ŭ sumku, vyviez za horad i zakapaŭ u lesie ŭ Minskim rajonie.
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary