Na minułym tydni prypynili pryjom zajavak na italjanskija vizy, a paźniej adnavili, ale nie dla ŭsich. Ciapier turfirmam ahučyli novyja praviły, jak buduć vydavać šenhien italjancy.
Składanaści ź italjanskimi vizami raspačałasia 15 vieraśnia — tady prypynili pryjom zajavak na ich praź vizavy centr VFS. Niezadoŭha da taho stała viadoma, što mužčyna ź Biełarusi z rasijskim pašpartam, jaki jakraz atrymaŭ šenhien u italjanskim pasolstvie ŭ Minsku, akazaŭsia adnym z padazravanych u dyviersii ŭ aeraporcie Lejpcyha.
Paźniej akazałasia, što turapieratary dahetul praciahvajuć zapisvać na italjanskija vizy, a pieramieny datyčać tolki indyvidualnych turystaŭ. 21 vieraśnia ŭ vizavym centry Italii ŭ Minsku zładzili sustreču akredytavanych turfirmaŭ z pradstaŭnikami pasolstva i vizavaha centra, dzie patłumačyli, jak ciapier buduć vydavać vizy.
Što novaha ŭ praviłach? Adzin z turapierataraŭ dzielicca, što ciapier padacca na italjanski šenhien možna budzie tolki praz standartny zapis na sajcie VFS, a žyvoj čarhi bolš nie budzie. Taksama Italija pastrožyć padychod da vydačy viz — šenhieny buduć vydavać vyklučna pad kankretnuju pajezdku i paćvierdžanyja mety.
Vizavaja ekśpiertka dapaŭniaje, što zapis u list čakańnia pakul spynieny. Nieviadoma, kali jaho adnoviać — mahčyma, heta adbudziecca, kali apracujuć usie ŭžo najaŭnyja zajaŭki. Ale, ŭpeŭnivaje ekśpiertka, usio budzie dobra:
«Vizy vydajuć i buduć vydavać. Pytańnie, jakija, my pakul nie abmiarkoŭvajem, heta pakaža tolki čas».
Inšaja vizavaja ekśpiertka piša ŭ sacsietkach, što da Novaha hoda miescy ŭ apierataraŭ pad italjanskija tury buduć skaročanyja, dy i na na toje, što ŭ 2027‑m niešta palepšycca, nie davodzicca spadziavacca.
Vierahodniej za ŭsio, ličyć ekśpiertka, što raniejšaj ščodraj vydačy vizaŭ ad italjanskaha pasolstva bolš nie budzie.
«Naša Niva» — bastyjon biełaruščyny
PADTRYMAĆCiapier čytajuć
Usich studentak biełaruskich VNU abaviazali terminova zapoŭnić ankietu z paznačeńniem svajho rostu15
Kamientary
nu heta kaniešnie ž vialikaja pieraškoda dla ich