Pieramieny datyčacca turystaŭ, jakija padajuć dakumienty na vizy ŭ indyvidualnym paradku.
Kampanii, jakija źjaŭlajucca aŭtobusnymi apieratarami na italjanskim napramku i akredytavanyja ŭ italjanskim pasolstvie, paviedamlajuć, što zaraz dla ŭsich, chto płanuje adpravicca ŭ tury praz turapierataraŭ, ničoha nie źmianiłasia, paviedamlaje Respublikanski sajuz turystyčnych arhanizacyj.
Turfirmy praciahvajuć źbirać, praviarać i padavać dakumienty ŭ zvyčajnym štatnym režymie.
U paniadziełak, 21 vieraśnia, u vizavym centry Italii ŭ Minsku adbudziecca sustreča akredytavanych turfirmaŭ z pradstaŭnikami vizavaha centra i pasolstva Italii ŭ Biełarusi, na jakoj budzie ŭniesiena jasnaść — ci buduć niejkija źmieny dla turfirmaŭ u dačynieńni da kvot i paradku padačy dakumientaŭ na italjanskija šenhien-vizy.
U pačatku hetaha tydnia paviedamlałasia, što prypynieny pryjom zajavak na italjanskija vizy paśla taho, jak vyśvietliłasia, što padazravany ŭ dyviersii ŭ Lejpcyhu atrymaŭ vizu ŭ Minsku.
«Rehistracyja novych zajaŭnikaŭ u śpis čakańnia zakrytaja da dalejšaha paviedamleńnia. Kali jaje adnoviać, pakul nieviadoma. Aficyjna prypynieńnie źviazana z čakańniem dalejšych ukazańniaŭ ad italjanskaha pasolstva», — havaryłasia ŭ paviedamleńni.
Ciapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach22
Kamientary