Rasija z 1 listapada pahražaje całkam spynić pastaŭki hazu ŭ Armieniju
Rasija moža całkam spynić pastaŭki hazu ŭ Armieniju z 1 listapada, kali Jerevan nie vykanaje šerah palityčnych patrabavańniaŭ Maskvy. Pra heta paviedamiła armianskaja hazieta «Hraparak» sa spasyłkaj na rasijskija krynicy, piša Deutsche Welle.
Ciapier pastaŭki rasijskaha hazu časova spynienyja praz płanavy ramont, a patreby Armienii zabiaśpiečvajucca za košt zapasaŭ u schoviščach. Pavodle krynic haziety, 1 listapada moža ŭźniknuć situacyja, paśla jakoj pastaŭki ŭžo nie adnoviacca.
Siarod patrabavańniaŭ Maskvy nazyvajucca admova Jerevana ad abmierkavańnia budučyni rasijskaj vajskovaj bazy ŭ Hiumry i ad dziejańniaŭ suprać kampanij z rasijskim kapitałam, u tym liku «Paŭdniova-Kaŭkazskaj čyhunki» i «Hazprama».
Taksama Rasija nibyta patrabuje, kab Armienija vyznačyłasia pamiž Jeŭrazijskim ekanamičnym sajuzam i Jeŭrasajuzam. Jerevan pavinien albo admianić zakon ab zapusku pracesu jeŭraintehracyi, albo pryznačyć datu refierendumu. Siarod inšych patrabavańniaŭ nazyvajucca spynieńnie kryminalnaha pieraśledu prarasijskich palitykaŭ i pryznačeńnie vice-premjera, prymalnaha dla Kramla.
Armienija pry hetym šukaje alternatyŭnyja krynicy hazu. Kraina pa-raniejšamu amal całkam zaležyć ad rasijskich pastavak: u 2025 hodzie «Hazpram» ekspartavaŭ tudy kala 2,7 miljarda kubamietraŭ hazu. Armianskija ŭłady zajaŭlajuć pra mahčymaść zakupak paliva ŭ Azierbajdžana, Turcyi i Irana.
Adnosiny Maskvy i Jerevana apošnimi miesiacami istotna pahoršylisia. Rasija ŭvodziła abmiežavańni na impart z Armienii ałkaholu, harodniny, sadaviny, ryby, małočnaj pradukcyi i kvietak. U adkaz Armienija pačała pieranakiroŭvać svoj ekspart na inšyja rynki, u tym liku ŭ krainy Jeŭropy.
Pašynian: Kali Armieniju chočuć vyklučyć z ADKB, chaj vyklučajuć. Nie treba pahražać hetym
Armienija moža pačać kuplać haz u byłych vorahaŭ. I niavažna, što ŭ Rasii tańniej
Armianski pasoł nie vierniecca ŭ Minsk, pakul Łukašenka nie paprosić prabačeńnia
Armienija vyvučaje mahčymaść dyviersifikacyi pastavak hazu
Pašynian zajaviŭ, što Armienija nie budzie pravodzić refierendum ab siabroŭstvie ŭ ES
Kamientary
Dyk voś u čym sprava... A ja było dumaju j nie razumieju. Nadoječy ŭziaŭ u kramie zalikovy, jak vyśvietliłasia, pradukt, na BBQ, armianskaj (niabačanaj dasiul) vytvorčaści, dla (uvaha!) hišpanskaha(!) spažyŭca. Uziaŭ vyklučna ź cikaŭnaści, apynułasia cudoŭna, usie byli ŭ zachapleńni ! Až zachaciełasia zrabić vandroŭku ŭ Armieniju...