Pašynian: Kali Armieniju chočuć vyklučyć z ADKB, chaj vyklučajuć. Nie treba pahražać hetym
Taksama premjer-ministr Armienii zaznačyŭ, što jaho kraina nikoli nie ŭzdymała pytańnie ab rasijskaj vajskovaj bazie.
Kali Armieniju chočuć vyklučyć z ADKB, chaj vyklučajuć, respublicy nie treba pahražać hetym, zajaviŭ žurnalistam premjer-ministr Nikoł Pašynian, paviedamlaje news.am.
Palityk źviarnuŭ uvahu, što ad Armienii čakajuć pavodzin, padobnych da tych, jakija apisany ŭ armianskaj kazcy «Śmierć Kikasa».
«Cikava i toje, što isnujuć kliše adnosna mierkavańnia, zhodna ź jakimi Armienija pavinna mieć voś takoje mierkavańnie — u asnoŭnym pa łohicy śmierci Kikasa: pajšoŭ čałaviek svatacca, u jaho naradziŭsia syn, nazvali Kikasam, nadzieli šapku z pamponam, [jaho] źniali z hałavy, jon upaŭ na kamień — oj, Kikas, oj, synok. Kali nas chočuć vyklučyć — chaj vyklučajuć. Kali nie chočuć vyklučać — chaj nie vyklučajuć», — skazaŭ Pašynian.
Pavodle jaho, Armienija taksama nikoli nie ŭzdymała pytańnie ab rasijskaj vajskovaj bazie.
«Zaraz Rasija padniała hetaje pytańnie, i my zajmajem pazicyju z hetaj nahody», — adznačyŭ armianski premjer.
Pry hetym jon adznačyŭ, što baza nie maje žyćciova važnaha značeńnia dla biaśpieki Armienii: «Nam nie patrebnaja hetaja vajskovaja baza. Rasija — družalubnaja nam kraina. Kali jany chočuć jaje prybrać, chaj prybiaruć, chaj prybiaruć zaŭtra. Kali jany chočuć zastacca, my hatovyja abmierkavać umovy zachavańnia bazy, jakaja nam nie patrebnaja, u Respublicy Armienija». Takuju pazicyju jon patłumačyŭ «padziejami vieraśnia 2022 hoda».
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary14
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary