Ekspart nafty ź Piersidskaha zaliva adnaviŭsia amal da davajennaha ŭzroŭniu
Krainy Piersidskaha zaliva, nie ličačy Irana, u vieraśni adnavili pastaŭki nafty i paliva da 81% ad davajennaha ŭzroŭniu. Heta adbyłosia pieravažna dziakujučy Saudaŭskaj Aravii. Ekspart samoha Irana praz amierykanskuju błakadu ŭpaŭ da nula.
Saudaŭskaja Aravija, Kuviejt, Katar, Aman, Bachrejn, Irak i Abjadnanyja Arabskija Emiraty ŭ vieraśni ekspartavali ŭ siarednim 19,2 miljona barelaŭ nafty i naftapraduktaŭ za sutki. Da pačatku vajny vakoł Irana hety pakazčyk składaŭ kala 23,6 miljona barelaŭ, piša Reuters.
Asnoŭnuju rolu ŭ adnaŭleńni pastavak adyhrała Saudaŭskaja Aravija. Za miesiac jana pavialičyła ekspart na 4,2 miljona barelaŭ za sutki — da 6,6 miljona. Hety rost kampiensavaŭ padzieńnie pastavak ź Irana, Kuviejta i Katara.
Pastaŭki syroj nafty i kandensatu ŭžo dasiahnuli 91% davajennaha ŭzroŭniu.
Značna horšaja situacyja z hatovym palivam, u tym liku zvadkavanym hazam: jaho ekspart adnaviŭsia tolki da 60%.
Skaračeńnie pastavak dyzielnaha i avijacyjnaha paliva ŭzmacniła suśvietny deficyt i padšturchnuła ceny na niekatorych rynkach da rekordnych abo blizkich da rekordnych značeńniaŭ.
Kab abaranić tankiery ad iranskich atak, pieravozčyki ŭsio čaściej vykarystoŭvajuć «ciomnyja rejsy» — vyklučajuć sistemy adsočvańnia sudnaŭ i sprabujuć prajści maršrut niezaŭvažanymi.
«Štodzionnyja abjomy pastavak ciapier značna bolš niestabilnyja, čym da vajny. Tamu hałoŭnaje pytańnie — ci ŭdasca zachavać ciapierašni ŭzrovień», — adznačyła analityk Vortexa Kłer Džanhman.
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž24
Kamientary