Kreml: Pucin skazaŭ Trampu, što padumaje, kali adnavić pieramovy pa Ukrainie
«Udarami bieśpiłotnikami pa Maskvie ŭ dzień vybaraŭ u Dziarždumu Kijeŭ sarvaŭ mahčymaść nieadkładnaha adnaŭleńnia pieramoŭnaha pracesu», — skazaŭ pamočnik Pucina Juryj Ušakoŭ.
Prezident Rasii Uładzimir Pucin padčas telefonnaj razmovy sa svaim amierykanskim kaleham Donaldam Trampam skazaŭ, što padumaje, kali adnavić pieramovy ab mirnym urehulavańni ŭkrainskaha kanfliktu paśla masiravanaha ŭdaru Kijeva bieśpiłotnikami pa Maskvie ŭ dzień vybaraŭ u Dziaržaŭnuju dumu. Pra heta žurnalistam paviedamiŭ pamočnik rasijskaha prezidenta Juryj Ušakoŭ, piša Moscow Times.
«Asabliva było adznačana, što kali padčas papiaredniaj razmovy dvuch prezidentaŭ havaryłasia pra mahčymaść adnaŭleńnia trochbakovych pieramovaŭ z udziełam ZŠA i Ukrainy adrazu paśla vybaraŭ u Dziaržaŭnuju dumu, to ciapier situacyja inšaja. Svaimi sprobami sarvać našy vybary, naniosšy ŭ asnoŭny dzień hałasavańnia zvyš masiravany ŭdar bieśpiłotnikami pa Maskvie, inšych haradach i vybarčych učastkach, pa kankretnych ludziach, źviazanych z arhanizacyjaj vybaraŭ, kijeŭski režym, pa sutnaści, sarvaŭ mahčymaść nieadkładnaha adnaŭleńnia pieramoŭnaha pracesu», — skazaŭ Ušakoŭ.
«I ciapier, jak skazaŭ prezident, my padumajem, kali hetyja pieramovy možna budzie adnavić. Donald Tramp uvažliva vysłuchaŭ našu arhumientacyju i skazaŭ,što daručyć pieradać adpaviednyja sihnały ŭkrainskaj delehacyi, jakaja mienavita ŭ hetyja dni znachodzicca ŭ Majami dla kantaktaŭ z amierykanskimi pradstaŭnikami».
Niezadoŭha da bryfinhu Ušakova prezidenty RF i ZŠA paviedamili pra damoŭlenaść ab pastaŭkach rasijskaha dyzielnaha paliva na amierykanski i suśvietnyja rynki.
Pavodle słoŭ Ušakova, Pucin i Tramp abmierkavali padrychtoŭku «maštabnych ekanamičnych inicyjatyŭ», a taksama ŭrehulavańnie kanfliktu vakoł Irana.
«Naša prapanova ab vyvazie vysoka ŭzbahačanaha iranskaha ŭranu ŭ Rasiju jak mahčymym vychadzie z tupika zastajecca ŭ sile. Charakterna, što Donald Tramp nie pakinuŭ hetuju zaŭvahu biez uvahi, pryvitaŭšy ŭdzieł Maskvy va ŭrehulavańni situacyi vakoł Irana», — skazaŭ Ušakoŭ.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
Cienu diziela, na zapravkach SŠA, biez putina, śniziť nie možiet, no, i biez aktivov "Łukojła" prožiť nielzia, kotoryj budiet kuplen za hosudarstviennyje sriedstva SŠA, no dla ličnoho polzovanija i radi etoho, budiet błokirovať pieriedaču raźvieddannych Ukrainie i vojennyje postavki.
Voobŝiem, "łukojł" otdadim v ličnoje polzovanije, 800 tys solary prodadim i postavim, zarabotav na prodołžienije vojny, a samu vojnu ostanavlivať nie budiem.