Soniečnaja enierhija stanovicca tańniejšaj za atamnuju
Novyja amierykanskija madeli soniečnych batarejaŭ vyłučajucca vydatnaj efiektyŭnaściu.
Vučonyja Univiersiteta Dziuka (pryvatny daśledčy ŭniviersitet u Paŭnočnaj Karalinie) padličyli, što novyja soniečnyja ŭstanoŭki abychodziacca tańniej, čym novyja atamnyja stancyi.Pavodle materyjałaŭ sajta theenergycollective.com, ciapier nie zastajecca nahod dla pavieličeńnia inviestycyj u atamnuju enierhiju ŭ škodu soniečnaj, a ź siońniašniaha dnia atamnaja enierhija možna pierastać być pryjarytetnaj.
U Paŭnočnaj Karalinie košt atamnaj enierhii składaje 16 centaŭ za kiłavat‑hadzinu (enierhija, nieabchodnaja dla pracy dziesiaci 100‑vatnych lampačak ciaham hadziny), u toj čas jak košt soniečnaj enierhii składaje 14 centaŭ. Treba ŭličvać, što Paŭnočnaja Karalina nie «soniečny» štat, a tamu ŭ rehijonach, dzie bolšaść dzion u hodzie soniečnyja, košt budzie značna nižejšy.
Daśledavańni pravodzilisia ŭ adkaz na ahresiŭnaje łabijavańnie z boku atamnaj industryi, jakaja imkniecca pazicyjanavać siabie jak najbolš vyhadnuju pa ŭzroŭni vykidu vuhlakisłaha hazu ŭ atmaśfieru.
Pa prahnozach navukoŭcaŭ univiersiteta Dziuka, u nastupnaje dziesiacihodździe soniečnaja enierhija stanie samaj tannaj i dastupnaj.
«Biezumoŭna, soniečnaja enierhija samaja ekałahična čystaja. U paŭnočnych štatach možna sustreć šmat soniečnych batarejaŭ na dachach», — zaznačyŭ Stanisłaŭ Šuškievič, pieršy kiraŭnik niezaležnaj Biełarusi, fizik‑iadzierščyk pa śpiecyjalnaści.
Ale navukoviec i palityk źviartaje ŭvahu na fakty: na siońniašni momant u ZŠA 100 jadziernych reaktaraŭ pracujuć dy 6 novych budujucca.
«Pakul što soniečnyja batarei byli značna daražejšyja za atamnyja stancyi», — prakamientavała Valancina Brylova, adkaznaja za suviazi z hramadskaściu Instytuta enierhietyčnych i jadziernych daśledavańniaŭ u Sosnach. Valancina Brylova adznačaje, što na pačatkovym etapie vytvorčaść soniečnych batarejaŭ škodnaja — nieabchodna atrymać čysty kremnij, a heta nie vielmi ekałahična čystaja pracedura.
Biełaruskija navukoŭcy ličać vykarystańnie soniečnych ustanovak dla Biełarusi nie samym vyhadnym. Taki varyjant moža być pradstaŭleny tolki jak łakalny, dadatkovy. Stanisłaŭ Šuškievič sumniajecca ŭ mahčymaści pabudavać efiektyŭnyja soniečnyja ŭstanoŭki ŭ Biełarusi, bo nie kožny hod budzie soniečnym, jak sioletni.
Valancina Brylova źviartaje ŭvahu na adroznyja šlachi padlikaŭ. Možna pa‑roznamu ŭličvać ekspłuatacyju, sabiekošt paliva, terminy vykarystańnia dy vydatki na budaŭnictva. Nieviadoma, jak amierykanskija daśledčyki padličvali košt kiłavat‑hadziny, jakija paramietry prasumavali. Termin prydatnaści atamnaj stancyi moža być da 60 hadoŭ. Soniečnuju batareju treba zamianiać praz 25 hadoŭ. Vonkavy paliŭny cykł u ekspłuatacyi atamnaj stancyi vielmi tanny. Adnak pry padlikach efiektyŭnaści atamnaj enierhii ŭličvajuć niemałyja vydatki na ŭtylizacyju adkidaŭ. Pry raźlikach, naprykład, koštu vuhalnaj enierhietyki takija paramietry nie ŭličvajucca.
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary