Žychar Haahi rychtavaŭ zamach na dźviuch prynces Niderłandaŭ — Amaliju i Aleksiju
33‑hadovaha žychara Haahi padazrajuć u padrychtoŭcy zabojstva dźviuch dačok karala Niderłandaŭ — spadčyńnicy prastoła, 22‑hadovaj Kataryny-Amalii, i jaje małodšaj siastry, 20‑hadovaj Aleksii. Pieršaje sudovaje pasiadžeńnie pa spravie pryznačana na 4 maja, piša Algemeen Dagblad.
Pavodle źviestak prakuratury, zamach płanavaŭsia ŭ lutym 2026 hoda ŭ Haazie, dzie mieścicca rabočy pałac karala. Pry zatrymańni ŭ padazravanaha kanfiskavali rečy, jakija śviedčać ab surjoznaści jaho namieraŭ. U jaho znajšli dźvie siakiery, na jakich byli vydrapany słovy «Alexia», «Mossad» i nacysckaje pryvitańnie «Sieg Heil», a taksama rukapisny list ź imionami abiedźviuch prynces i słovam «Bloedbad», što ŭ pierakładzie aznačaje «reźnia» ci «bojnia».
Prakuratura Haahi nie stała raskryvać padrabiaznaści pra padazravanaha, paviedamiŭšy tolki, što havorka idzie ab «uraźlivym» čałavieku.
Jaho matyvy pakul taksama nie raskryvajuć.
Pryncesa Amalija ŭžo nie ŭpieršyniu stanovicca mišeńniu dla złačyncaŭ. Hety vypadak praciahnuŭ čarhu dramatyčnych padziej u jaje žyćci.
Tak, u 2020 hodzie, kali joj było 17 hadoŭ, pryncesa była vymušana chavacca z-za pahroz hvałtam z boku niejkaha Vutera H. Złačynca pravioŭ čatyry hady na prymusovym lačeńni i vyjšaŭ na volu niezadoŭha da 21‑hodździa Amalii.
U 2022—2023 hadach z-za surjoznych pahroz jana nie zmahła žyć u studenckim internacie ŭ Amsterdamie i była vymušana bolš za hod tajemna žyć i vučycca ŭ Madrydzie. Pryncesa pryznavałasia, što vielmi sumuje pa narmalnym žyćci.
U listapadzie 2023 hoda byŭ zatrymany 40‑hadovy Muchamad E., jakoha taksama padazravali ŭ datyčnaści da pahroz u adras starejšaj dački karala.
Viartańnie Amalii ŭ Niderłandy stała mahčymym tolki paśla pryniaćcia dadatkovych mier biaśpieki, źmiest jakich nie raskryvajecca.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary