Śvisłackaja rajonka pasprabavała prapijaryć kiraŭnika rajvykankama — atrymałasia jak zaŭsiody
U Śvisłačy «viertykal» vielmi niaŭdała vyjšła ŭ narod.
«Śvisłackaja hazieta» pasprabavała stvaryć idyličnuju karcinku pra jadnańnie miascovaj ułady z narodam, ale zamiest narodnaj lubovi atrymała łavinu sarkazmu.
Fotazdymak, na jakim kiraŭnik rajona Andrej Hryckievič vyjšaŭ na vulicy horada i sustreŭ pažyłuju žančynu padčas vuličnaha špacyru, vyklikaŭ złuju ironiju dy abureńnie.
Zadumka miascovych ideołahaŭ, vidać, była prostaj: pakazać, što miascovy načalnik — prosty čałaviek. U sacsietcy Threads źjaviŭsia post z podpisam: «Dzie jašče možna ŭbačyć staršyniu rajvykankama, jaki idzie pa horadzie z prostymi žycharami i vyrašaje ich pytańni? Prosta Śvisłač. Prosta Andrej Hryckievič».
Farmuloŭka pra «prostych žycharoŭ» praviała miažu pamiž «niebažycielem» i astatnim nasielnictvam. Kamientatary byli aktyŭnymi:
«A chto taki staršynia vykankama, kab jamu nie prajścisia z PROSTYMI žycharami? Jon składany vielmi?»
«Pasaromielisia b takija pasty vykładvać. Heta norma. Čynoŭnik — taki ž hramadzianin. Jon prosta vykonvaje pracu, za jakuju jamu płaciać».
Žychary zaŭvažyli, što žančyna na fota zusim nie vyhladaje ščaślivaj: «A babula viedaje, što na jaje ŭžo miłaść syšła?»
«Boh ža spuściŭsia ź niabiosaŭ i idzie, razmaŭlajučy ź niejkaj chałopkaj! Dzie! Jašče! Vy! Takoje! Ubačycie!»
«Ch*ra sabie niebažyciel, staršynia rajvykankama».
«U nas kastavaja kraina ci ludziej užo padzialili na sasłoŭi?»
«Pasaromilisia b takija pasty vykładvać, tamu što heta norma: čynoŭnik — heta taki ž hramadzianin, prosta jaki vykonvaje peŭnyja abaviazki, za jakija jamu płacić dziaržava. A voś heta «idzie z prostymi žycharami» — heta prosta brydka i hniusna čytać».
Šmat chto kinuŭsia zusim u sarkazm.
«Tak! Bačyła jaho ŭ ciahniku! Ad paścieli admoviŭsia, kaža — doraha. Čaj piŭ biez cukru, pakiecik cukru ŭ kišeniu pakłaŭ, kaža: «Dzietkam potym addam u Śvisłačy».
«Aha! Taksama jaho bačyŭ. U Baranavičach na stancyi niedakurak dabić paprasiŭ. Hrošaj, kaža, zusim niama. Usio na leki piensijanieram Śvisłačy vydatkavaŭ».
«Vidavočna ž! Na fota vuń jak bieh za piensijanierkaj, kab hrošaj na leki dać! A jana, niaŭdziačnaja, jašče i vyźvieryłasia na jaho (na druhim fota). Pahany narodziec!»
Nie prajšli mima karystalnikaŭ i detali «vypadkovaha» zdymka.
«Tak nikoha niama, ludziej niama, namieśnik Andreja jaho fotkaje. Kaho jamu bajacca? Kamu jon naohuł patrebny?»
«Sfotkaj, typu nasielnictvu dapamahaju».
Karystalniki pačali paraŭnoŭvać śvisłackaje cuda z suśvietnaj praktykaj, dzie blizkaść ułady da naroda nie źjaŭlajecca pradmietam honaru.
«Tydzień tamu ludzi prosta sustreli Makrona na vulicy. A ŭ Biełarusi, kali maješ padtrymku 80%, treba 20 mašyn achovy i viertalot».
«U luboj cyvilizavanaj krainie heta najomny rabotnik, jaki idzie na pracu — heta norma».
Dla karystalnikaŭ post staŭ śviedčańniem taho, nakolki dalokaj ad realnaści stała biełaruskaja viertykal.
«Heta hienijalny post. Dla naščadkaŭ abaviazkova treba zachavać hety «adbitak epochi».
-
Biełaruskija pamiežniki navučyli simpatyčnuju rasijanku pravilna nazyvać našu krainu. A taja mocna pakryŭdziłasia
-
Andrej Chadanovič zaprašaje na anłajn-kurs pra biełaruskuju paeziju ŭ kantekście suśvietnaj kultury
-
Turahienctvy paviedamlajuć pra admienu rejsaŭ u Tajłand. Mahčyma, heta recha vajny ŭ Iranie
Kamientary